Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

‘Mwikhapelele Mu Osivela wa Muluku’

 MWAHA 10

Othela—Yamahala Yoosivela Yoorweela wa Muluku

Othela—Yamahala Yoosivela Yoorweela wa Muluku

“Mukoi woruthiwa vararu, olipa opaseya”EKLESIYASTE 4:12, BNM.

1, 2. (a) Vooloca sa oothelana avyaani, tiheeni nnaphwanelaahu wiikoha mu ilukuluku ikina, nave ntakhara heeni? (b) Makoho taani nnahaalaahu othokororya mu mwaha yoola?

NYUWAANO munnasiveliwa oya ofestani ya othela? Ancipale annasiveliwa, ntakhara elukuluku eyo enakhala yoohakalaliha. Munnawoona atheli ephwaneliwe. Opwaha yeeyo, munnawoona wi awo ari ohakalala mu ithoi saya! Nihiku nenla, oothelana awo anakhala osiveliwa, nave anaweherya wi omwaahiyu aya onahaala okhala woohakalaliha.

2 Naamwi hiiha, nnaphwanela weemererya wi olelo, marehereryo a othela annapwata. Naamwi yoochuna ahu eri owoona oothelana avyaani ekhalaka oohakalala, ilukuluku ikina ti yaphaama wiikoha: ‘Apwanne awo chiryene anahaala okhala oohakalala? Onahaala olekela?’ Maakhulo a makoho yaala anarweela mmukhalelo mutheli onaroromeleiye ni opharihela miruku sa Muluku vooloca sa othela. (Mwaalakhanye Masiposipo 3:5, 6.) Ti yoochuneya weerano yeela wi yiikhapelele mu osivela wa Muluku. Haya nthokororye maakhulo a Piipiliya wa makoho maxexe anacharela: Ntakhara heeni othela? Wakhala wi munachuna othela, taani munaphwanelaanyu omuthanla wi akhale iyanyu naari mwaarinyu? Munii mwiirehererye hai wa othela? Nave tiheeni enahaala waakhaviherya atheli okhala oohakalala mu othela waya?

NTAKHARA HEENI OTHELA?

3. Ntakhara heeni tahi wa miruku othela ni mathowa oohiphwanelela?

3 Akina anuupuwela wi othela ti woochuneya wi ekhale oohakalala—wi honaweryeya okhumelela phaama naari ohakalala mu okumi wakhala wi hamphwannye yoowo anachunaaya  othelanano. Ela tahi eparipari! Yesu, mulopwana yoowo ahintonko othela, aaloca sa ociye ntoko yamahala nave ahaaceenyerya yaawo anawerya wiikhalelaru aciye wi yeereno. (Mateyu 19:11, 12) Murummwa Paulo aaloca tho sa mphurelo onarweela wa okhala muciye. (1 Akorinto 7:32-38) Yesu naari Paulo hiyaahenlevo nlamulo vooloca sa mwaha yoola, chiryene “óhíha othela” onarweela mu “sohusiha sa masololo.” (1 Timoteo 4:1-3) Nave mukhalelo wa ociye onnavaha mphurelo wawaaca wa yaale anachuna omurumeela Yehova ehirino yawuukhula. Tahi wa miruku, othela ni mathowa oohiphwanelela, naari okhinyereryiwa ni akina.

4. Othela waphaama onavaha mathipelo taani a waaphuwa anamwane?

4 Apwanne aakhalavo mathowa oophwanelela anamweeriha muchu othela? Aai. Othela tho yamahala yoorweela wa Muluku ahu oosivela. (Mwaalakhanye Mapacereryo 2:18.) Mwa yeeyo, wookhalavo mphurelo mu othela, nave tho onnaruuha ohakalala. Ntoko yoolikanyiha, othela waphaama mathipelo a echoko. Anamwane anachuna mukhalelo waphaama wa asitiithi aya wi yaaphuwe ni waasivela, waahusiha ni waahoolela. (Salmo 127:3; Aefeso 6:1-4) Mwa yeeyo, waaphuwa anamwane tahi nthowa nimoharu na othela.

5, 6. (a) Mwawiiwanana ni Eklesiyaste 4:9-12, mphurelo taani onarweela wa onthamwene woolipa? (b) Mmukhalelo taani othela onahaalaaya okhala ntoko Mukoi wooruthiwa vararu?

5 Muthokororye yoorepa ya mwaha yoola vamoha ni yootaphulelaaya: “Ti yaphama okhala eli, ohiya okhala mutxhu mekheiye. Analapa vamoha t’òrèriwa. Mmoha ùwa, mukwawe onammukhavihrya. Nto mutxhu akhala mekheiye ni ùwa, havo onamukhaviherya wi avinye. Wariryaka, mwakhala eli munan’werya orupa vamoha ni munanviheryana, nto mutxhu mekheiye onawerya hai wiviherya? Atxhu eli yatxupheliwa, annakihana. Ntoko nnalotxaya nsipelo: Mukoi woruthiwa vararu olipa opaseya.”Eklesiyaste 4:9-12, BNM.

6 Makupa yaala analoca esisapo ya onthamwene. Othela, onavolowela opaka onthamwene woolipa. Hiiha ntoko yoorepa ela enooniheryaaya, anakhala vamoha annakhaviheryana, ohakararyana, ni okhapelelana. Othela onahaala okhala  woolipa wakhala wi mutheli ohaataana. Mukoi wooruthiwa wiili, ntoko eciciri enalocaaya, okhweya opaseya. Nyenya mukoi wooruthiwa vararu olipa opaseya. Wakhala wi yoochuna ya mulopwana ni muthiyana ori omuhakalaliha Yehova othela waya onalikanyihiwa ni mukoi wooruthiwa vararu. Yehova onnapaka makupa a othela, hiiha othela owo onakhala woolipa.

7, 8. (a) Miruku taani Paulo aavanheiye Akiristu ari aciye yaawo anawaniha ni nchuno na opaka sa mwiikho? (b) Piipiliya onanivaha nlakiheryo taani neeparipari vooloca sa othela?

7 Othela tho mukhalelo mmoharu waweemereryeya wa ohakalaliha nchuno na okonihana. Mwa yeeyo, okonihana onooniwa okhala ehime ya ohakalala ni opuha. (Masiposipo 5:18) Vaavaa muciye onakhaleiye mu elukuluku yeeyo Piipiliya oniichaneiye “omwali wawe”—nchuno na opaka sa mwiikho ninnannuwa—owo nlelo onnawaniha ni nchuno nenlo. Aahisuwela wiihiiha, nchuno nlo nnahaala omweeriha echu yoonanara naari yoohiphwanelela. Mooveereliwa Paulo oovaha miruku iha wa aciye: “Nyenya yáhisuwelaka wíhíha, ethelihiwe; ntakhara ti waphama othela opwaha ni weyela murima.”1 Akorinto 7:9, 36; Yakopo 1:15.

8 Moohipwacha makhalelo anamweeriha muchu othela, ti yaphaama oloca eparipari. Ntoko murummwa Paulo olonceiye, Yaale anathela “enarwa-ekhalano yawukhula m’mwílini.” (1 Akorinto 7:28) Atheli annahoolela sawuukhula seiho aciye ahinahoolelaaya. Wakhala wi moolakelela othela, tiheeni munaphwanelaanyu weera wi mvoothe makacamiho ni ophwanya murecele? Mukhalelo mmoha ori omuthanla mwa miruku oothelana anyu.

TAANI ONAHAALA OKHALA OTHELANA AKA OOPHWANELELA?

9, 10. (a) Paulo aaphwanaphwaninhe hai yawoopiha ya othelana ni oohiroromela? (b) Ti heeni enakhumelela wiiliwiili ni yaale ahiniiwelela malakiheryo a Muluku vooloca sa othelana ni oohiroromela?

9 Paulo aaveereliwa orepa vooloca sa malakiheryo oochuneya anaphwanela ophariheliwa muteko vaavaa nnamuthanla  ahu oothelana ahu: “Muhikhale ómakiwa mu nipisini vamoha ni óhiroromela.” (2 Akorinto 6:14) Niphwanaphwaniho nawe nnarweela mmukhalelo weeparipari oniiwanana ni muteko wa olima. Wakhala wi axinama eeli oohiyana munnuwelo ni ikuru aamakiwa mu nipisini nimoha, oopiili anahaala ohooxeya. Moolikana, mukiristu ni oohiroromela yakhala mu nipisini nimoha, mu othela, chiryene anahaala ohooxeya. Wakhala wi mmoha onachuna wiikhapelela mu osivela wa Yehova nave mukina orino nchuno na vakhaani, naari wi haanoru, soolakelela sa okumi aya sinahaala okhala soohiyana, nave enahaala oruuhela makacamiho mancipale. Mwawiihiiha Paulo aahaaceenyerya Akiristu othela pahiru “mwa Apwiya.”1 Akorinto 7:39.

10 Akiristu akina ari aciye anuupuwela wi okhala mu nipisini nimoha ni oohiroromela ti yaphaama opwaha omeekha anoonaaya. Mwa yeeyo annalakelela ohipharihela malakiheryo a Mpiipiliyani nave annathelana muchu yoowo ohinamurumeela Yehova. Wiiliwiili, awo anakhala oothanana. Awo annoona sookhumelela sa othelana ni muchu yoowo ahinuukaayano vamoha ichu sookhweleya sa okumi. Anniisoona tho okhala mekhaaya opwaha elukuluku yaaraaya aciye. Moohakalaliha, aakhalawo macikhwi Aakiristu ari aciye anaroromela malakiheryo oomuluku vooloca sa mwaha yoola nave annachariha moororomeleya. (Mwaalakhanye Salmo 32:8.) Naamwi echunaka othela, awo annatitelela okhala aciye ophiyerya emphwannye oothelana aya variyari va alapeli a Yehova Muluku.

11. Tiheeni enii yookhaviheryeeni omuthanla mwa miruku oothelana anyu? (Moone tho ekaaxa “ Tiheeni Kinaavyaaka Wa Oothela Aka?”)

11 Ti yawooneya wi okhala kapuro a Yehova, henataphulela wi muchu onahaala okhala oophwanelela mmukhalelo yoola ahiilipixenrye. Wakhala wi munnuupuwela othela, mmwaavye muchu orino makhalelo analikana ni awinyu, orino soolakelela soomunepani nave anamusivela Muluku. Kapuro oororomeleya ni amiruku onnavaha sooleeliherya sincipale  vooloca sa mwaha yoola, mwahaala weerano phaama othokororya ni mavekelo miruku seiha sa Mpiipiliyani ni weemererya ohooleliwa ni seiho vaavaa munapakaanyu yoolakelela ela yoochuneya. *Mwaalakhanye Salmo 119:105.

12. Sookhovelela taani vooloca sa othela irivovo mu ilapo sincipale, nave ntakiheryo taani na khalai nnakhaviherya?

12 Mu ilapo sincipale, ti yookhovelela asitiithi waathanla anahaala othelana ni anaaya. Mmukhalelo yoola awo anooniwa wi aakhalano miruku ni osuwela wi epake yoothanla eyo yookhweleya. Othela wawaavyeriwa , ikwaha sincipale onnakhumelela phaama, ntoko mmahiku akhalai. Ntakiheryo na Aaparahamu na omurumiha kapuro awe wi amwaavye muthiyana ahaala okhala mwaara a Isaaki nnamukhala nlakiheryo wa asitiithi akhweya anaphwanyeya mmukhalelo mmohamoha olelo. Aaparahamu haari awuukhuwa ni ikhorowa naari wa okhala oocicimihiwa. Moohiyana, owo aahiilipixerya omwaavya muthiyana variyari va yaale yaamulapela Yehova wi akhale mwaara a Isaaki. *Mapacereryo 24:3, 67.

MUNII MWIIREHERERYE HAI WI MUKHALENO OTHELA WA MPHURELO?

13-15. (a) Nlakiheryo nnaphwanyeya mu Masiposipo 24:27 nnamukhaviherya hai mmiravo onachuna othela? (b) Tiheeni mwali onaphwaneleiye weera wi iirehererye wa othela?

13 Wakhala wi nyuwaano munnuupuwela mwa wiiseela vooloca sa othela, yaahaala okhala yaphaama wiikoha, ‘Apwanne kiri ooreheryeya chiryene?’ Naakhulo hinnaphwanela orweela mmoonelo anyu wa osivela, okonihana, onthamwene woolipa, naari waaphuwa anamwane. Opwaha  yeeyo, sookhalavo soolakelela sawooneya wa yaale aniirehererya wi ethele naari etheliwe anaphwanelaaya wuupuwelela.

14 Mmiravo yoowo onaavya okhalano mwaariye onaphwanela wuupuwelela mwa wiiseela vooloca sa nlakiheryo nla: “Ohakunve oteke empa, ophare toko miteko sa vate ni olime ematxa à.” (Masiposipo 24:27, BNM) Tiheeni yoorepa ela enachunaaya onleela? Mu elukuluku yeele, wakhala wi mulopwana onachuna okhalano echoko awe moorweela wa othela, owo aaphwanela wiikoha, ‘Apwanne chiryene kiri ooreheryeya wi kivakulele echoko, mwaaraka ni anamwane nnahaalaahu waayaraka?’ Woopaceryani, owo aaphwanela olapa ni olima imaca sawe. Nlakiheryo nimohamoha ninnaphariheleya mmahiku ahu yaala. Mulopwana yoowo onachuna othela onaphwanela wiirehererya wa mirici sawe. Wakhala wi mulopwana mukumi owo onaphwanela olapa, wi avakulele echoko. Masu a Muluku annaloca wi yoole ohinathokororya soothowa sa echoko awe makupa oomwiilini, mmuupuweloni ni oomunepani onnakhooca nroromelo ompwaha yoole ohinaroromela!Mwaalakhanye 1 Timoteo 5:8.

15 Muthiyana yoowo onalakelela otheliwa onneemererya tho murici mutokweene. Piipiliya onnavaha esisapo mavyakelo ni masuwelelo yaawo muthiyana onaphwaneleiye okhalano wi amukhaviherye iyawe othokororya echoko. (Masiposipo 31:10-31) Mulopwana ni muthiyana anathelana ehiireherenrye wi yaakhwaniherye mirici saya, wiiliwiili awo anakhala a nrima, annahiya wuupuwela ichu sinahaala okhala sa mphurelo wa oothelana aya. Opwaha soothene, yaale anachuna othela, anaphwanela okhala ooreheryeya mmakupa oomunepani.

16, 17. Yaale aniirehererya wa othela anaphwanela waalikhela malakiheryo taani oochuneya?

16 Wiirehererya wa othela onavolowela wuupuwelela murici yoowo Muluku ovanheiye wa mulopwana ni muthiyana.  Mulopwana onaphwanela osuwela yootaphulela ya okhala muru wa echoko Yeekiristu. Ela henavaha ekari wi owo akhale ohooxa. Opwaha yeeyo, onaphwanela otakiherya mukhalelo wa ohoolela wa Yesu. (Aefeso 5:23) Moolikana, muthiyana Eekiristu onaphwanela wiiwexexa murici woophwanelela wa muthiyana. Apwanne onahaala okhala a wiiwelela “nlamulo na mulopwana”? (Aroma 7:2) Muthiyana nlelo, ori vathi va malamulo a Yehova ni Kiristu. (Akalatiya 6:2) Olamulelo wa iyawe va echoko oneemelela nlamulo nikina. Apwanne owo onanwerya okhaviherya ni wiiwelela olamulelo wa muchu oohiphaameya? Wakhala wi hawerya waakhwaniherya, yaahaala okhala yaphaama ohitheliwa.

17 Nave tho, mmoha ti mmoha ookhalano echu ya vameekhaaya mukina onachuneiye. (Mwaalakhanye Afilipi 2:4.) Paulo oorepa: “Nyenya tho nyuwo, mmoha va mekheiye, amusiveleke mwáriye, ntoko onísiveleiye mekhiye; nave muthiyana owo upuweleke wi amoveke mulopwana.” Moorweela wa oveereliwa woomuluku, Paulo aahooniherya wi mulopwana onnachuna woona ncicimiho ntokweene na mwaariye. Nave tho muthiyana ookhalano nchuno na vameekhaaya na opuha osivela wa iyawe.Aefeso 5:21-33.

Mwa miruku awaakamelana ancipale annaavyaavya okhalano a waahoola

18. Ntakhara heeni yaale aakamelanne anaphwanela okhala a wiihiiha?

18 Mwa wiihiiha elukuluku ya waakamela tahi wi mathatelo, nyenya elukuluku wi mulopwana ni muthiyana, esuwelane mukina ni mukhwaawe nave elakelele wakhala wi anahaala othelana. Eyo tho enakhala elukuluku ya wiihiiha! Yaweeha ya wooniherya nchuno nahu na osivela nnahaala okhalaka noolipa—chiryene okhalano nchuno ti ya muyareriwo. Mwa yeeyo, yaale chiryene anasivelana anahaala osepa meerelo anahaala onanariha makupa oomunepani a mukina. (1 Atesalonika 4:6) Hiiha, wakhala wi mohaakamela, mukhaleke a wiihiiha; makhalelo awo anahaala wookhaviheryaani mu ekumi anyu yoothene, moohipwacha wakhala wi munahaala othela naari hooye.

 MUNII MWEERIHE HAI WI OTHELA WANYU OLEKELE?

19, 20. Ti mwawiihai moonelo wa Akiristu vooloca sa othela okhanlaaya woohiyana ni moonelo wa achu ancipale mu elapo ya mutano? Mutharihe.

19 Wakhala wi atheli anachuna wi othela waya olekele, awo anaphwanela okhalano moonelo waphaama vooloca sa nlakano. Mu anovela ni ixilema, othela wiiliwiili onakhala makuchuwelo oohakalaliha oothene anachunaaya. Mweeparipari, othela tahi makuchuwelo; nyenya mapacereryo—yaawo Yehova onachuneiye wi yiikhaleleru. (Mapacereryo 2:24) Moothananiha, owo tahi moonelo wa achu ancipale a elapo yamutano. Mu sookhovelela ikina, achu analoca sa othela ntoko “omaka nluce.” Awo hanasuwela wi niphwanaphwaniho nla ninnathariha phaama moonelo wa wunlaana vooloca sa othela. Mwawiihai? Nluce nimakiwe phaama ninnalekela, mu elukuluku emohamoha ti nookhweya otaphula.

20 Ancipale olelo anoona othela ntoko echu ya elukuluku vakhaani. Awo anathela ntakhara wi anuupuwela wi soochuna saya inahaala ohakalalihiwa, nyenya yakhumelela makacamiho anahaala omwalana. Muupuwele niphwanaphwaniho na mukoi nlociwe Mpiipiliyani nenlo tho nnaphariheleya wa othela. Mikoi inaphariheliwa mu apophoro, ipakiwe wi ilekele, ohiya wi ilale naari opaseya, variyari va echeku etokotoko. Moolikana, othela opakiwe wi wiikhaleleru. Muupuwele masu a Yesu: “Ntakhara awe ela yeyo Muluku áphitannyiye vamoha, mutchu ahipachule.” (Mateyu 19:6) Mwaachunaka othela, munaphwanela okhalano moonelo mmohamoha vooloca sa othela. Apwanne mukhalelo yoola wa nlakano onneeriha othela okhala woohokola? Hooye.

21. Mulopwana ni muthiyana anaphwanela okhalano moonelo taani mukina ni mukhwaawe, nave tiheeni enahaala waakhaviherya weerano yeeyo?

21 Mutheli onaphwanela okhalano moonelo wa phaama vooloca sa mukina ni mukhwaawe. Wakhala wi mmoha ti mmoha onniilipixerya opwacha makhalelo aphaama a oothelana awe, othela onahaala okhala woohakalaliha. Apwanne owokeya okhalano moonelo yoola waphaama wa muchu oohiphaameya?  Yehova hantonko owokeya, naamwi hiiha ninnaroromela wi owo ookhalano moonelo waphaama wa hiyaano. Namarepa a Salmo aakoha: “Mwakusererya sotxheka sahu, Pwiya, tani oni avuluwe?” (Salmo 130:3, BNM) Mulopwana ni muthiyana anaphwanela okhalano moonelo mmohamoha waphaama wa olevelelana mukina ni mukhwaawe.Mwaalakhanye Akolose 3:13.

22, 23. Ti mwawiihai Aaparahamu ni Saara avanhaaya yootakiherya yaphaama wa atheli olelo?

22 Moovira wa iyaakha othela onahaala okhala  woohakalaliha vancipale. Piipiliya onnooniherya othelana wa Aaparahamu ni Saara vaavaa yaaraaya awuuluvala. Ekumi aya yaakhalano makacamiho ni saweeha. Mwaanyiherye mukhalelo taani eyo yaaraaya yoovila wa Saara, muthiyana yoowo akhweya aarino iyaakha 60, ohiya empa awe yaphaama mu epooma etokotoko ya Uuri nave okhalaka mmisakalani okumi awe woothene. Naamwi hiiha, owo aahiiwelela ohoolela wa iyawe. Ntoko nthamwene ni mukhaviheryi eeparipari a Aaparahamu, owo aaheeriha wi yoolakelela awe yaakhwaniheryeye. Nave wiiwelela wawe hiwaari woowoka. Ophiyerya “mmurimani mwawe” owo aamwiichana Aaparahamu ntoko pwiya awe. (Maphatxuwelo 18:12, BNM; 1 Petro 3:6) Ncicimiho nawe wa Aaparahamu naarweela vathi va murima.

23 Chiryene, ela henataphulela wi Aaparahamu ni Saara yoona ichu mmukhalelo mmohamoha. Nihiku nimoha Saara aavaha moonelo yoowo ‘wàtempe omunanara’ Aaparahamu. Ni ohoolela wa Yehova, Aaparahamu ni wiiyeviha aahiiwelela moonelo wa mwaariye, yoowo waaruunhe mareeliho wa emusi. (Maphatxuwelo 21:9-13, BNM) Alopwana ni athiyana olelo, ophiyerya yaale athelanne mu iyaakha sincipale anahaala ohuserya orweela wa mutheli yoola aamoova Muluku.

24. Mukhalelo taani wa othela onamucicimiha Yehova Muluku, nave ntakhara heeni?

24 Mmuloko Weekiristu, aakhalamo atheli ancipale oohakalala—Atheli yaawo muthiyana onamucicimiha moomalela iyawe, nave mulopwana onamusivela ni omucicimiha mwaariye, nave oopiili annalapa vamoha wi ehele yookhwela ya Yehova mmakupa oopacerya opwaha ichu soothene. Wakhala wi munachuna othela, naari otheliwa munaphwanela omuthanla mwa miruku yoowo munachunaanyu othelanano, mwiirehererye phaama wa oothela, nave mwiilipixerye okhalano othela wa murecele, woosivela nave onaruuha ncicimiho wa Yehova Muluku. Mweerano hiiha, othela wanyu onahaala wookhaviheryaani wiikhapelela mu osivela wa Muluku.

^ par. 12 Makholo makina akhalai a nroromelo yaanakhalano opwaha muthiyana mmoha. Mu waathokororya wawe makholo ni Aisarayeli oomwiilini, Yehova aaheemererya waaceya. Naamwi owo ahilamulenle yookhovelela eyo, owo aaheemererya. Nyenya, Akiristu aasuwela wi Yehova haneemererya wi alapeli awe yaaceyeke.Mateyu 19:9; 1 Timoteo 3:2.