Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

‘Mwikhapelele Mu Osivela wa Muluku’

Ekaarata ya Nikhuuru Noolamulela

Ekaarata ya Nikhuuru Noolamulela

Wa Yaale Anamusivela Yehova:

Yesu ooloca: “munarwa-musuwelasha eparipari, nave eparipari enarwa-yotaphulani.” (Yohane 8:32) Masu ala tolipiha vancipale! Aai, chiri ti wooweryeya osuwela eparipari, naamwi “m’mahiku ókutchula” yaala ni ilukuluku soohooxa, vaavaa owoka ni wootha oryaaya woosareya. (2 Timoteo 3:1) Munnuupuwela vaavaa mwaapacenryaanyu osuwela eparipari ntoko enatharihiwaaya mu Masu a Muluku? Chiri yaari yoohakalaliha!

Mwawiihiiha, echu yookhweleya opwaha okhalano masuwelelo eeparipari ori wiilipixerya wiiliwiili waaleela akina, ni okhala mwawiiwanana ni eparipari. Wi neereno hiiha, onachuneya wiikhapelela mu osivela wa Muluku. Ela enavolowela heeni? Masu a Yesu ohiyu ahaakumve okhwa annaakhula nikoho nenla. Owo aaloca ni oomuchara awe oororomeleya ariki: “Mwakhapelela malamulo aka munarwa-mukhala mu osivela waka; ntoko Miyo kokhapelela malamulo a Atithaka, nave kinakhala mu osivela wawe.”Yohane 15:10.

Moone wi Yesu aahikhapelela mu osivela wa Muluku woorweela wa wiiwelela malamulo a Atiithi awe. Eyo tho ennaphariheleya wa hiyaano olelo. Wi niikhapelele mu osivela wa Muluku, nnaphwanela opharihela muteko eparipari mu okumi wa nihiku nnihiku. Mu ohiyu omohamoha yoole, Yesu aaloca: “Mwasuwela iha, óréla nyuwo mwáweraka.”Yohane 13:17.

Nnaweherya wi yoolaleeryiwa ela enahaala wookhaviheryaani otitelela okhala mwawiiwanana ni eparipari nave mwiikhapelelaka mukhatiinyu “musivela wa Muluku . . . ophiyerya okumi wohimala.”Yuda 21.

Nikhuuru Noolamulela na Anamoona a Yehova