Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Michaka Yaphaama Yoorweela wa Muluku!

 YOOHUSERYA 5

Yookhwela ya Muluku tiheeni?

Yookhwela ya Muluku tiheeni?

1. Ntakhara heeni Muluku opatunxeiye elapo ya vathi?

Yehova oovaha elapo ya vathi wa alopwana ni athiyana. Nla nipuro nahu. Hiihaa, alipa oothelana oopacerya, Aatamu ni Haava, hiyaapatuxiwe wi ewaaceererye achu wirimu—Muluku khalai aahaapatuxa ankeelo wi ekhaleke wirimu. (Yobi 38:4, 7) Moohiyana ni yeeyo, Muluku aamukuxa mulopwana oopacerya amukuha mparadaiso ooreera iichaniwa emaca ya Eeteni. (Mapacereryo 2:15-17) Yehova ahimvaha owo vamoha ni anaawe a muhoolo ekari ya opuha okumi woohimala veelaponi ya vathi.Mwaalakhanye Salmo 37:29; 115:16.

Wuupaceryani, emaca ya Eeteni pahiru ti yaari paradaiso. Alipa oothelana oopacerya yaahaala osareiha elapo ya vathi ni anamwanaaya. Moovira wa elukuluku, awo yaahaala ohoolela elapo yoothene ni weeriha wi ekhale paradaiso. (Mapacereryo 1:28) Elapo ya vathi herwa etoloxiwa. Nla nnahaala okhala nipuro na achu okhala wookhala.Mwaalakhanye Salmo 104:5.

2. Ntakhara heeni olelo elapo ya vathi ehikhanlaaya paradaiso?

Aatamu ni Haava hiyaamwiiweleenle Muluku, nave Yehova ahiwiikaramo mmacani. Paradaiso oorimeela, nave haavovo muchu onawerya omukookiherya. Piipiliya onaloca wii: “Muluku okun’he elapo mmatani mwa atxhu ònanara murima.”Yobi 9:24, Bibiliya Nsu na Muluku, BNM.Mwaalakhanye Mapacereryo 3:23, 24.

Neere wi Yehova oohiya yookhwela awe yoopacerya wa achu? Hooye! Owo ti aikuru soothesene. Owo hampwata. (Yesaya 45:18) Owo onahaala waarehererya achu sintoko mwemmo aakhweleiye wi ekhale.Mwaalakhanye Salmo 37:11, 34.

3. Paradaiso onahaala okookiheryiwa mwawiihai?

Paradaiso onahaala okookiheryiwa veelaponi ya vathi vaava Yesu onahaaleiye olamulela sintoko Mwene a Muluku. Mu ekhoco eniichaniwa Armagedo, Yesu onahaala waahoolela ankeelo a Muluku  ni waatoloxa oothene yaale ahinamwiiwelela Muluku. Voocharela vaya, Yesu onahaala ommaka Satana iyaakha 1,000. Achu a Muluku anahaala ovuluwa mu yoohooxa eyo ntakhara Yesu onahaala waahoolela ni waakhapelela. Awo anahaala opuha okumi woohimala mParadaiso veelaponi ya vathi.Mwaalakhanye Yawupulula 20:1-3; 21:3, 4.

4. Makacamiho anaya omala liini?

Ti liini Muluku onahaaleiye omaliha onanara veelaponi ya vathi? Yesu oovaha “eneneryo” yaahaala othonyiherya wi makuchuwelo ahaacamela. Makhalelo a ichu seelapo annoopopiha ovuluwa wa achu nave annooniherya wi hiyaano nnakhala o “makutchuwelo a mahiku a vathi vano.”Mwaalakhanye Mateyu 24:3, 7-14, 21, 22.

Mpuwa mwa olamulelo wa Yesu wa miyaakha 1,000 orweela wirimu ntakhara elapo ya vathi, owo onahaala omaliha makacamiho oothene. (Yesaya 9:6, 7; 11:9) Ohiya orumeela ntoko Mwene, Yesu onahaala orumeela ntoko Mutokweene a Anamukucho nave onahaala omaliha soocheka sa yaale anamusivela Muluku. Hiihaa, moorweela wa Yesu, Muluku onahaala omaliha ireca, wuuluvala, ni okhwa.Mwaalakhanye Yesaya 25:8; 33:24.

5. Taani onahaala okhala mParadaiso a muhoolo?

Mu Empa ya Omwene, nyuwo munahaala waasuwela achu yaawo anamusivela Muluku ni anachuna ohuserya moota wa omuhakalaliha yoowo

Achu yaawo anamwiiwelela Muluku tenii ekhale mParadaiso. (1 Yohane 2:17) Yesu aahaarumiha oohuserya awe wi yawaavye achu awiichacala ni waahusiha yaawo moota wa okhala aweemereryiwa ti Muluku. Olelo, Yehova onnaareherya macikhwi a achu wi ekhale ni okumi mParadaiso a muhoolo veelaponi ya vathi. (Sofoniya 2:3) Mu Ipa sa Omwene sa Anamoona a Yehova, achu annahuserya moota wa okhala alopwana ni asitiithi aphaama nave okhala athiyana ni asimai aphaama. Anamwane ni asitiithi analapela vamoha nave annahuserya moota wa ophura michaka yaphaama.Mwaalakhanye Mikeya 4:1-4.