Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Michaka Yaphaama Yoorweela wa Muluku!

 YOOHUSERYA 1

Michaka Yaphaama Tiheeni?

Michaka Yaphaama Tiheeni?

1. Michaka yoorweela wa Muluku tiheeni?

Muluku onchuna wi achu epuhe okumi woohakalala veelaponi ya vathi. Owo oopatuxa elapo ya vathi ni ichu soothene sirimo nthowa na waasivela achu. Moohilekela owo onahaala weeravo echu wi aavahe achu veelaponi yoothene makhalelo aphaama. Owo onahaala omaliha ichu inatannya makacamiho a achu.Mwaalakhanye Yeremiya 29:11.

Hiwaavovo olamulelo owenrye omaliha ohooxeya, ireca, nari okhwa. Nyenya yookhalavo michaka yaphaama. Mwawaakuveya, Muluku onahaala oraceeliha olamulelo woothene wa achu ni olamulelo awe. Mikelampa sa olamulelo wa Muluku inahaala opuha murecele ni okumi waphaama.Mwaalakhanye Yesaya 25:8; 33:24; Daniyeli 2:44.

2. Ntakhara heeni michaka yaphaama ti yawaakuveya?

Wi emale makacamiho veelaponi ya vathi Muluku anahaala waatoloxa achu oonanara. (Sofoniya 2:3) Ela enahaala weereya liini? Masu a Muluku yaahiloherya makacamiho anaahooxa achu olelo. Saweereya seiya sinnooniherya wi elukuluku ya Muluku weeravo echu yoohaacamela.Mwaalakhanye 2 Timoteo 3:1-5.

3. Tiheeni nnaphwanelaahu weera?

Hiyaano nnaphwanela ohuserya vooloca sa Muluku moorweela wa Masu awe, Piipiliya. Owo ori ntoko ekaarata ya Tiithi oosivela. Owo onnanleela moota wa okhalano okumi waphaama olelo ni okhalano okumi woohimala veelaponi ya vathi muhoolo. Mweeparipari, achu ancipale henii esiveliwe owoonaani mukhaviheryiwaka wi mmwiiwexexe Piipiliya. Nyenya ekari ela ya muhoolo ti yaphaama vancipale, nyuwano muhiyeleele.Mwaalakhanye Masiposipo 29:25; Yawupulula 14:6, 7.