Ocuphela mwaha

Ocuphela menu anaawiili

Anamoona a Yehova

Elomwe

Makacamiho anahaala omala?

Makacamiho anahaala omala?

Munahaala wi . . . 

  • aai?

  • hooye?

  • akhweya?

 PIIPILIYA ONI

“Muluku onanvuta mithori aya, nave horwa okhalavotho okhwa nari winla, nari ikutxho nari witxela.”Wupulula 21:4.

EYO ENATAPHULELA EHEENI WA NYUWO

Ororomela wi Muluku haneeriha makacamiho.Tiyako 1:13.

Ohakararya wa osuwela wi Muluku onnoona wiicela vaavaa nnahooxeyaahu.Zakariya 2:8.

Ewehereryo yawi makacamiho oothene anahaala omala.Salumu 37:9-11.

 HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?

Aai, moone mathowa meeli:

  • Muluku onniica makacamiho ni onanara. Muthokororye mukhalelo Yehova oonneiye vaavaa achu awe yaahooxiwaaya moonyala mu ilukuluku sa Piipiliya. Piipiliya onaloca wi Muluku aanathanana nthowa na yaale “yawiniha murima.”Amuthoriha 2:18.

    Muluku ookhalano moonelo woolipa wa yaale anaahooxa akina. Ntoko yawooniherya, Piipiliya onaloca wi “mata anawipha atxhu óhitxheka” ari oothanyeya wa Muluku.Masiposipo 6:16, 17.

  • Muluku onnamuthokororya muchu ori oothene. Tahi wi muchu mukhateiye pahiru tonasuwela “ekoi” awe nyenya Yehova tho onnasuwela!2 Matharihelo 6:29, 30.

    Moorweela wa Omwene awe, Yehova onahaala omaliha makacamiho a muchu ori oothene. (Mateu 6:9, 10) Mu elukuluku yeela, Muluku mweepewe onnaahakararya yaale anamwaavya yoowo mweeparipari.Saweriwa T’arummwa 17:27; 2 Korinto 1:3, 4.

 WI MUUPUWELE

Ntakhara heeni Muluku onneemererya makacamiho?

Piipiliya onnaakhula nikoho nenla mu AROMA 5:12 ni 2 PEDRO 3:9.