Paska oopacerya yaari yaweereya yavameekhaaya. Mu ohiyu omoha, amanle osuwela wi anamwane oothene oopacerya oyariwa aakhwa, Farawo aahi wa Mose: “Vinyammo mweelaponi muumu, nyuwo vamoha ni Aisarayeli. Munapwaha mwaalape Apwiya ntoko munalocelaanyu.” (Muk 12:31) Yehova ikwaha soothene onnaakhaviherya achu awe.

Nto navarerya yaweereya ya achu a Yehova mmahiku ahu yaala, ninnoona sawooniherya wi Yehova onnatitelela waahoolela ni waakhapelela achu awe. Eyo ennooniheryiwa o musewu wa nipuro ntokweene na Anamoona a Yehova nrino muru “Achu Anakuxa Nsina na Yehova.”

MOONE EXILEMA OXEKURYA MUSEWU YO WARWICK: “ACHU ANAKUXA NSINA NA YEHOVA,” NAVE VOOCHARELA MWAAKHULE MAKOHO ALA ANACHARELA:

• Tiheeni yaaceenyerye Oohuserya a Piipiliya ompaka Foto drama da Criação yoowo aapacenrye woonihiwa mu 1914 wi eroromeleke wi Piipiliya masu a Muluku, nave tiivi yaari yookhumelela ene?

• Saweeha taani seeren’ye mu 1916 ni 1918, nave ichu taani sinooniherya wi Yehova taahoolela mareheryo awe?

• Mmukhalelo taani achu a Yehova yoonihenryaaya ovilela naamwi yaahoolela makacamiho?

• Wiiwexexa taani ovyaani yoowo achu a Yehova yaakhenlaaya mu 1935, nave eyo yaavolowenle hai?

• Apwanne muhintonko oxekurya musewu, tiheeni monnaanyu yeeyo elipinhe nroromelo nanyu wi Yehova onnaahoolela ni waakhapelela achu awe?