Ba tɛnɛ mɛ ka ya ni

Gwe ka gbenyɔ ngbolinɔ

Atɛmwɛ tɛ Yehova

Ngbandi (ya Nɔrdi)

Pɛnɔ na wɛngɔ mbɛni la kɔi?

Pɛnɔ na wɛngɔ mbɛni la kɔi?

Mɔ lengbi ti pangɔ ya . . .

  • ĩi?

  • ipɔ?

  • bere?

 NGBANGƆ PA YA NƐ?

“Nzapa . .  mbo gbanda ngulɛ zu ka lɛla lo zi, ta kwá, na pɛnɔ, na tongɔ to, na dudu ti du gbanda da ma.”—Suma 21:3, 4, Contemporary English Version.

SƐ MƆ YE TƐNƐ MƐ NGBANGƆ TƐNƐ KO, NZƆ̃ LO MƐ MƆLWA NƐ?

E hinga ya ta Nzapa la ndo si na a siɔlo na ndo e ma.—Zaki 1:13.

Ngunu sa bɛ e na lo mɛ ya bɛ Nzapa ndo so ngoi mɛ e ndo tengbi na pɛnɔ.Zekaria 2:8.

E na nzɔ̃ dangobɛ ya pɛnɔ zu na wɛngɔ.Nzembo 37:9-11.

 ELENGBI TI YENGƆ NVẼNI TƐNƐ MƐ NGBANGƆ NDO TƐNƐ?

Ĩi, na ndombali a ngbondo tɛnɛ sɛ (2):

  • Bɛ Nzapa ndo sĩ na pɛnɔ nga na siɔ fangɔ ngbanga. E ba sɛ mɛ ndó Yehova ndo ma bɛlɔ siɔni na ngoi mɛ ndó andogia na avalo mɛ ndó na ngoi ti uzu. Ngbangɔ pa ya Nzapa ndó na sɔngɔ bɛ na lo tɛ ala na lomɛya “azi ndo sukpa ndó ala.”Basambisi 2:18, Libongoli ya mokili ya sika.

    Nzapa ndo ma bɛlo siɔni na ndombali azi kola ndoli a fɔ̃la siɔni. E mu se lɛlo kɔi: Ngbangɔ pa ya Nzapa kɛ̃ zokola ndo ‘sa mɛnɛ tɛ zo mɛ nyɔ̃ lo didi.’Masese 6:16, 17.

  • Nzapa ndo da bɛlo na zo kɔikɔi ge popo tɛrɛ e. Ta azi ‘nvẽni kɔi la ndo hinga dudu mɛ ka tɛrɛ ala ma,’ Yehova a hinga nga ni!2 Ntango 6:29, 30.

Na pɛ ngoi yakere, Yehova na kɔngɔ nda pɛnɔ tɛ zo kɔi na kɔi na lége ti Lo-lengɔgbia tɛ lo. (Matie 6:9, 10) Na olo mɛ, lo ndo sa ngunu bɛ azi kola ndo gi lége tɛ lo.—Awa Pangɔ Kwa 17:27; 2 Korinto 1:3, 4.

 BINGA LI MƆ NA NDO LO OLO

Nzapa zi lége hɛ̃ pɛnɔ na lo ti nɛ?

Ngbangɔ gbiã tɛnɛ na ndo hunda olo kaya ROMA 5:12 nga na 2 PETRƆ 3:9.