Ba tɛnɛ mɛ ka ya ni

Lo-Gbia tɛ Nzapa adu nɛ?

Lo-Gbia tɛ Nzapa adu nɛ?

Mɔ lengbi ti pangɔ ya . . .

  • adu ye mɛ kaya bɛ?

  • adu bo tɛnɛ gɛgɛrɛ?

  • adu lo lengo gbia ti ndozu?

 NGBANGƆ PA YA NƐ?

“Nzapa mɛ ka ndozu na kpãngɔ lo-gbia mɛ ta na gbɛ̃ngɔ ma.”Danyele 2:44Libongoli ya mokili ya sika.

“A hɛ̃́ e nyi koli; lolengo gbia na dungɔ ndo li gutilo.”Yisaya 9:6.

SE MƆ YE TƐNƐ MƐ NGBANGƆ TƐNƐ KO, NZƆ̃ LO MƐ MƆLWA NƐ?

  • Lolengo gbia ti mbilimbili mɛ alengbi ti zango mɔ nvẽni.Yisaya 48:17, 18.

  • Kaya gegi ti fanani mɛ angbã yakele ga ko, mɔ na sepalangɔ na dungɔ lɛ ngɛ̃́ na tɛrɛ ti lɛngbingɔ nga na dengɔ bɛ.—Suma 21:3, 4.

 ELENGBI TI YENGƆ NVẼNI TƐNƐ MƐ NGBANGƆ NDOTƐNƐ?

Ĩ́i, na ndombali a ngbondo tɛnɛ sɛ (2):

  • Yezo fando ye mɛ Lo-Gbia tɛ Nzapa na lingɔ. ­Yezo aha ndo na ava lo ya, alando voro Nzapa ya Lo-Gbia tɛ Nzapa aga wa ali sɛ be Nzapa ge lɛ sese. (Matie 6:9, 10) Yezo fando sɛ mɛ Nzapa na diringɔ na tɛnɛ na ndo sambela ni ko.

    Ngoyi mɛ ndo Yezo ge lɛ sese ko, lo hɛ̃ ye ti tɛngɔ hɛ̃ azi mɛ na gwɛ̃, lo sala awa ngã, lo so nga ndo na azi mɛ kpili! (Matie 15:29-38; Yoanɛ 11:38-44) So fangɔ ya ni na dungɔ gbanda gbia ti Lo-Gbia tɛ Nzapa ko, Yezo fando anzɔ̃nzɔ̃ ye mɛ Lo-gbia na lingɔ na ndombali azi tɛ lo.—Suma 11:15.

  • Asiɔ ye mɛ e ndo hũ ndɛ ge lɛ sese ndo fa ya angbã yakere Lo-Gbia tɛ Nzapa aga. Yezo apia ndo tɛ nɛ ya, uzu ti Lo-Gbia tɛ Nzapa aga na siriri ge lɛ sese ko, lɛ gegi mɛ tɛ e na sĩngɔ na ato, na kota gwɛ̃, sese na yengingɔ.—Matie 24:3, 7.

    E ndo hũ aye ko zu ndɛ na olo mɛ. Ni la e ye ya angbã yakere Lo-Gbia tɛ Nzapa na onzingɔ asiɔ ye kwɛ.

 BINGA LIMƆ NA NDO LO OLO

Dungɔ lɛ ngɛ̃́ adu gbanda ngasia ka gbɛ Lo-Gbia tɛ Nzapa ngasia?

Ngbangɔ agbiã tɛnɛ na ndɔ hunda ko kaya NZEMBO 37:29 nga na YISAYA 65:21-23.