Ba tɛnɛ mɛ ka ya ni

Gwe ka gbenyɔ ngbolinɔ

Atɛmwɛ tɛ Yehova

Ngbandi (ya Nɔrdi)

Mɔ ndo hũ tɛ mɔya Ngbangɔ du nɛ?

Mɔ ndo hũ tɛ mɔya Ngbangɔ du nɛ?

Mɔ lengbi ti pangɔ ya . . .

  • adu buku tɛ awa kɔdɛ?

  • adu buku ti mbaye bere pandɛ?

  • adu Tɛnɛ tɛ Nzapa?

 NGBANGƆ PA YA NƐ?

“Atɛnɛ tɛ Nzapa zu mɛ asu na ya buku ko, a du atɛnɛ mɛ alo ka nyɔ̃ lo.”—2 Timotɛ 3:16, Fana Ngbangɔ.

SƐ MƆ YE TƐNƐ MƐ NGBANGƆ TƐNƐ KO, NZƆ̃ LO MƐ MƆLWA NƐ?

Ngbangɔ gbiã tɛnɛ na ndo a kɔta hunda mɛ azi ndo hunda.Masese 2:1-5.

Ngbangɔ ndo fa e na lége kaya dungɔ lɛ ngɛ̃́ tɛ e ti la kɔi na kɔi.Nzembo 119:105.

Ngbangɔ ndo hɛ e nzɔ̃ dangɔbɛ ti ngoi mɛ na gangɔ.Roma 15:4.

 ELENGBI TI YENGƆ NVẼNI TƐNƐ MƐ NGBANGƆ NDO TƐNƐ?

Ĩ́i, na ndombali a ngbondo tɛnɛ taa (3):

  • Mangbi mɛ kotani. Azi ge tɛ 40 ndo la asu Ngbangɔ na pɛ buru mɛ a ɔ 1600. Azi gba ka popo tɛrɛ la ta tengbi ndɔ na afɔ̃la ma. Abɛ se so ko, ambɛti zu mɛ kaya Ngbangɔ adu na beli tɛnɛ ni bo kɔi!

  • Bɛta pandɛ. Awa kpɔngɔ pandɛ ti ya kɔdɔrɔ kɔi na kɔi a ndo vi vi hiɔ, yungɔ ndo tɛ azi ti kɔdɔrɔ tɛ la. Kanda, awa sungɔ Ngbangɔ ando sundó yungɔ ndo tɛ ala nvẽni nga na yungɔ ndo tɛ azi ti kɔdɔrɔ tɛ la.2 Ntango 36:15, 16; Nzembo 51:1-4.

  • Kapa mɛ zo kpã bɛlo da. Ngbangɔ pia ndo ko kapa gã buru 200 uzu ya na hongɔ ngbina gbata ti Babilonɛ. (Yisaya 13:17-22) Ta Ngbangɔ a tɛnɛ bo sɛ mɛ kɔdɔrɔ ko na kpingɔ na nima, kanda lo dinga ili gbia mɛ na gwengɔ na to ka ndo kɔdɔrɔ niko!Yisaya 45:1-3.

Ambanga kapa ma wɔma ti ya Ngbangɔ alengbi ndó na ndo alo mɛ zigbizigbi. Ma ye mɛ elengbi ti yengɔ ya ko Ngbangɔ adu tɛnɛ tɛ Nzapa la ma?—2 Petrɔ 1:21.

 BINGA LIMƆ NA NDO LO OLO

Ndenge mɛ ngasia la Tɛnɛ tɛ Nzapa alengbi ti lɛkɛngɔ du tɛ mɔ nɛ?

Ngbangɔ agbiã tɛnɛ na ndɔ hunda ko kaya YISAYA 48:17, 18 nga na 2 TIMOTƐ 3:16, 17.