Ba tɛnɛ mɛ ka ya ni

Mɔ ndo hũ bi mɛ na gangɔ ngasia?

Mɔ ndo hũ bi mɛ na gangɔ ngasia?

Gegi mɛ tɛ e na . . .

  • ngbãngɔ bo semɛ ni dazu na olo mɛ?

  • gbɛngɔ bo gbɛngɔ?

  • tingɔ nzɔ̃ni?

 NGBANGƆ PA YA NƐ?

“Nzapa . . . mbo gbanda ngulɛ zu kalela, ta kwá ti du gbanda dama; ta tongɔ kwá, na tongɔ to, na dudu ti du gbanda dama.”Emoniseli 21:3, 4, Libongoli ya mokili ya sika.

SƐ MƆ YE TƐNƐ MƐ NGBANGƆ TƐNƐ KO, NZƆ̃ LO MƐ MOLWA NƐ?

Mɔ na lingɔ bɛta kwa mɛ na hɛngɔ mɔ dengɔ bɛ.Yisaya 65:21-23.

Ta ngã bere pɛnɔ zu na dungɔ dama.Yisaya 25:8; 33:24.

Dungɔ lɛ ngɛ̃́ ti dengɔ bɛ nga ti kaka bwaĩ́ ndoni kɔi na ndasewa nga na akwa mɔ.Nzembo 37:11, 29.

 ELENGBI TI YENGƆ NVẼNI TƐNƐ MƐ NGBANGƆ NDO TƐNƐ?

Ĩ́i, na ndɔmbali a ngbondo tɛnɛ sɛ (2):

  • Nzapa mɛ nvɛ ngunu lo lengbi ti lingɔ ya kapa tɛ ni ati na seni. Bo Yehova Nzapa lo kɔi la ndo ili lo kaya Ngbangɔ ya “Nvɛ Ngunu Zu,” tasangama, ta ngunu tɛ lo na ma ni dama. (Suma 15:3) Na lo ni ko, lo lengbi ti lingɔ ya kapa mɛ lo ko ti gbiãngbingɔ lɛ sese ati nzɔ̃ni ati na seni. Ngbangɔ pa ya, “Nzapa lengbi ti lingɔ ye zu.”—Matie 19:26, Fana Ngbangɔ.

  • Nzapa na gwɛ̃ ya kapa tɛ ni ati na seni. Yehova na gwɛ̃ kpengbani ti diringɔ na lɛ ngɛ̃́ hɛ a wakwáni.Yobo 14:14, 15.

Ngbangɔ ndo panga ya Yezo, Nyĩ Nzapa, a sara ndó awa ngã. Lo lindó nga so lo ti nɛ? Na lo meya adu ndó gwɛ̃ tɛ lo. (Marko 1:40, 41) Yezo fa ndó se liye tɛ to lo na ndenge mɛ alengbi, lo ndó na kpengba gwɛ̃ ti zangɔ azi mɛ na gwɛ̃ ya aza a ni.Yoane 14:9.

Ni la, elengbi ti yengɔ na bɛ e kɔi ya, Yehova ná Yezo ala ye zangɔ e ya e du na dengɔ bɛ na bi mɛ na gangɔ!Nzembo 72:12-14; 145:16; 2 Petrɔ 3:9.

 BINGA LIMƆ NA NDO LO OLO

Ndenge me nga sia la Nzapa na gbiãngbingɔ lɛ sese tɛ e ya ati nzɔ̃ni nɛ?

Ngbangɔ gbiã tɛnɛ na ndo hunda olo kaya MATIE 6:9, 10 nga na DANYELE 2:44.