Mɔ lengge na . . .

  • ĩi nde?

  • gɔ nde?

  • tabi ĩi, tabi gɔ nde?

 BIBLIA TƆ NA GE NDE?

“Gale . . . a dili sɛ mĩlĩ kɔ̃a, li wa. Fo sɛ fio, do dungu gɛla, do hia kɔ̃a, do ngamɔ bina.”—Usu Mɛnɔ 21:3, 4, Contemporary English Version.

DIA DƐAMƆ KƐ MƆ WIALI KPA KƆ MA Ɛ GE NDE?

Gbãlã we nga mɛnɔ ’da lɛ yolo kɔ Gale gɔ.—Zake 1:13.

Lɛ do gɛ̃ sila we ĩ na Gale ĩti nga mɛnɔ kɛ ma kpa lɛ ni.Zakaria 2:8.

Lɛ do kɔ̃a we na nga mɛnɔ vɛ̃ ma e sɛ.—Zumanɔ 37:9-11.

 LƐ WIA WE KƆ̃ GƐNƐ LƐNGGƐ NƆ KƐ MA KƆ BIBLIA NI NDE?

Ĩi, lɛ wia we kɔ̃ gɛnɛ nɛ, we gã gulu lingga we bwa:

  • Gale sɛnɛ zɛlɛ tɛ̃ do gbɛ dia gulu we. Mɔ zɔ zɛlɛ sila ’da Yehova Gale kɔ sabɛlɛ nɔ zi kɛ winɔ ’da wazi tɛ kpa nga mɛnɔ. Biblia tɔ́ã na azi kɔ ’bako we ‘zɔ ngamɛ kɛ wi sɛnɛ wa hã zi hã wa ni.’—Owi kpe dati 2:18.

    Gale sɛnɛ owanɔ kɛ wa zɛlɛ tɛ ngba wa. Ma kɛ Biblia tɔ́ã ‘a sɛnɛ kɔ̃ wi a tɔkɔ nu.’—Gba Wenɔ 6:16, 17.

  • Gale fɔmɔ lɛ kpo do kpo. Tatia lɛ owele lɛ ĩti ngamɛ nɔ ’da lɛ zu lɛ kpo iko gɔ, nde Yehova ĩtɛ mɛ ’bo ma!—2 Sakonɔ 6:29, 30.

Do wala Nwa ’da, Yehova e sɛ nga mɛnɔ ’da wele kpo do kpo. (Matie 6:9, 10) Nɛ nde sɔɛ gɛ, atɛ nganda sila wa nɔ kɛ wakɔ ’bakɔ wɛ kɛ wa e sila wa dɛ tɛ ’daa.—Owi nɛ tonɔ 17:27; 2 Korintɛ 1:3, 4.

 MƆ LENGGE NA GE NDE?

Gulu kɛ Gale la wala hã nga mɛnɔ ɛ ge nde?

Biblia gese nu aka we ni kɔ ’buku ’da ROMA 5:12 do 2 PETRO 3:9.