Mɔ le kɔ ma

Mɔ le kɔ be menu

Otɛmɔɛ̃nɔ 'da Yehova

Ngbaka

Li wala ɔ do yangga kɔ nu fɛlɛ kula ɛ ge nde?

Li wala ɔ do yangga kɔ nu fɛlɛ kula ɛ ge nde?

Mɔ lengge na mɛ̃a . . .

  • kɔ̃a zã nde?

  • falanga nde?

  • mbe gele mɔ nde?

 BIBLIA TƆ NA GE NDE?

“Owinɔ kɛ wa zele we nu Gale, nɛ wa dɛ ma ni, yangga ’da wa nɛa ngɔ mɛnɔ vɛ̃!”Luka 11:28.

DIA DƐAMƆ KƐ MƆ WIALI KPA KƆ MA Ɛ GE NDE?

Nɛ mɔ kpasɛ ngbongbo kɔ̃a zã.—Efɛzɛ 5:28, 29.

Nɛ mɔ kpasɛ ngbongbo dĩlĩ fala tɛ ngbawi.—Efɛzɛ 5:33.

Nɛ mɔ kpasɛ ngbongbo fɔmɔ fala tɛ ngbawi.Marko 10:6-9.

 LƐ WIA WE KƆ̃ GƐNƐ LƐNGGƐ NƆ KƐ MA KƆ BIBLIA NI NDE?

Ĩi, lɛ wia we kɔ̃ gɛnɛ nɛ, we gã gulu lingga we bɔa:

  • Gale a dɛa nu fɛlɛ kula. Biblia tɔ́ã na ‘nu fɛlɛ kula nɔ vɛ̃ . . . wa kpa li wa’ yolo do Yehova Gale. (Efɛzɛ 3:14, 15) Ma wia we tɔ̃ na, fala kɛ nu fɛlɛ kula ɔ sɔɛ gɛ, we kɛ Yehova a adɛa ma. Gã gulu nɛ ɛ ge nde?

    Mɔ zɔ: Fala kɛ mɔ nyɔngɔ dia nyɔngɔ mɔ kɛ ma hã yangga hã mɔ, wi kɛ mɔ aka sɛ a we ĩti hã zã gi nyɔngɔ mɛ ni ɛ wio nde? Mɔ aka sɛ wi gi ma.

    Na me ni, we ĩti mɛ nɔ kɛ ma hã yangga kɔ nu fɛlɛ kula, ma wia na lɛ aka Yehova, wi kɛ a dɛa nu fɛlɛ kula.—Ndo nyanga dɛ mɔ 2:18-24.

  • Gale a wi zɔ mɔ tɛ lɛ. Onu fɛlɛ kula hã zã wa zele mbula nu Yehova, kɛ a be hã lɛ kɔ We nu a. We gende? “We kɛ a ɛ wi zɔmɔ tɛ lɛ.” (1 Petro 5:6, 7) Yehova fa ’da fala fai mɔ kɛ ma ɛ dia we mɔ—olo nu mbula nɔ ’da ma la ikɔ gɔ!—Gba Wenɔ 3:5, 6; Ezai 48:17, 18.

 MƆ LENGGE NA GE NDE?

Mɔ kɛ ma wia na mɔ dɛ ta kɔ mɔ ɔ dia wi ba ko do dia wi ba wili, dia baa wi do naa wi ɛ ge nde?

Biblia gese nu aka we ni kɔ ’buku ’da EFƐZƐ 5:1, 2 do KOLOSƐ 3:18-21.