Inda koshikalimo

Inda koshikongitho oshitiyali

Oonzapo dhaJehova

Oshindonga

Omolwashike Oonzapo dhaJehova ihaadhi ithana ehala lyadho lyokugongalela ongeleka?

Omolwashike Oonzapo dhaJehova ihaadhi ithana ehala lyadho lyokugongalela ongeleka?

MOmbiimbeli, uutumbulilo wOshigreka mboka omathimbo gamwe hawu tolokwa “ongeleka” otawu ulike kongundu yaalongelikalunga, ihe haketungo moka haya gongalele.

Tala oshiholelwa shika: Sho omuyapostoli Paulus a tumine omakundo Aakriste ooyakwawo, Priska naAkula, okwa gwedha ko a ti: “Kundeni wo [ongeleka, Contemporary English Version] egongalo ndyoka hali gongala megumbo lyawo.”(Aaroma 16:5) Paulus ka li a dhiladhila etungo olyo li kundilwe po. Pehala lyaashono, okwa li e ga tumine aantu, ano egongalo ndyoka hali gongala megumbo moka. *

Ano pehala lyokwiithana ehala lyetu lyopalongelokalunga ongeleka, ohatu longitha uutumbulilo “Oshinyanga shUukwaniilwa.”

Omolwashike hagi ithanwa “Oshinyanga shUukwaniilwa”?

Uutumbulilo mbuka owe eleka omolwomatompelo gontumba taga landula:

  • Etungo oli li oshinyanga, nenge ehala lyokugongalela.

  • Ohatu gongala mo okulongelela mo Jehova, Kalunga kOmbiimbeli nosho wo okugandja uunzapo, nenge okugandja uumbangi kombinga ye. — Episalomi 83:18; Jesaja 43:12.

  • Ohatu gongala wo tu ilonge kombinga yUukwaniilwa waKalunga, mboka olundji Jesus a li a popi kuwo. — Mateus 6:9, 10; 24:14; Lukas 4:43.

Oto hiwa nesimaneko wu ye kOshinyanga shUukwaniilwa shoka shi li popepi nangoye wu mone kungoye mwene nkene Oonzapo dhaJehova hadhi ningi okugongala kwadho.

^ okat. 3 Omautumbulilo ga faathana otaga adhika wo 1 Aakorinto 16:19; Aakolossa 4:15 nomuFilemon 2.

 

Tseya oshindji

OKUGONGALA

Oshike hashi ningwa pokugongala kwOonzapo dhaJehova?

Tala okavidio haka wu shi imonene ngoye mwene.