Inda koshikalimo

Inda koshikongitho oshitiyali

Oonzapo dhaJehova

Oshindonga

Oonzapo dhaJehova ohadhi pangwa ngaa epango lyopaunamiti?

Oonzapo dhaJehova ohadhi pangwa ngaa epango lyopaunamiti?

Eeno, Oonzapo dhaJehova ihadhi tindi epango lyopaunamiti. Nonando ohatu kambadhala okusila oshimpwiyu omalutu getu nokukala tu na uukolele uuwanawa, omathimbo gamwe ohatu kala twa “pumbwa omwaaludhi.” (Lukas 5:31) Ngaashi Lukas, Omukriste gwomethelemumvo lyotango, a li ondohotola, yamwe yomOonzapo dhaJehova oye li oondohotola. — Aakolossa 4:14.

Ihatu taamba omapango gamwe ngoka taga kondjithathana nomakotampango gOmbiimbeli. Pashiholelwa, ihatu tulwa ombinzi, molwaashoka Ombiimbeli oyi indika okutulwa ombinzi. (Iilonga 15:20) Sha faathana, Ombiimbeli oyi indika omapango ngoka ga kwatela mo uumpulile. — Aagalati 5:19-21.

Ihe nonando ongaaka, omapango gopaunamiti ogendji itaga kondjithathana nomakotampango gOmbiimbeli. Onkee ano, omuntu kehe oku na okutokola kuyemwene. Onzapo yimwe otashi vulika yi taambe epango lyontumba lyopaunamiti, omanga yimwe tayi li tindi. — Aagalati 6:5.