Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Uukwaniilwa waKalunga otawu pangele!

Kolumoho: Omwiitaali moAlabama moAmerika ta pulakene koshipopiwa shaRutherford sha kwatwa mokangalo mo 1930 nasha; kolulyo: Switzerland

 OSHITOPOLWA 1

Oshili kombinga yUukwaniilwa — Taya gandja iikulya yopambepo

Oshili kombinga yUukwaniilwa — Taya gandja iikulya yopambepo

 KALA ando wa fa wu wete omukonakonimbiimbeli gwoye ti imemeha sho u uvu ko ovelise yontumba ndjoka mwa zi nokulesha naye. Ye ota ti: “Tashi ti Ombiimbeli otayi ti otatu vulu okukala nomwenyo sigo aluhe kombanda yevi mOparadisa?” Ye ngoka tamu longo pamwe naye ote mu pula: “Ovelise oya ti ngiini tuu?” Ye omukonakoni oti ipuku komutse ta ti: “O! Oshike omusita gwetu inee shi tu longa?” Oto dhimbulukwa wo kutya oshikando sha zile ko konima sho i ilongo kutya edhina lyaKalunga oJehova, osho wo a pulile ngaaka.

Mbela owu uva nale omuntu ta ti ngaaka? Aapiya yaKalunga oyendji oye shi uva. Oshinima shika ohashi tu dhimbulukitha kutya otwa pewa omagano omawanawa gokukala twa tseya oshili! Ihe dhiladhila owala nkene she ende wu mone oshili. Oshinima shoka otashi ka kundathanwa moshitopolwa shika. Omukalo moka uuyelele woshili we ende tawu yelele oshigwana shaKalunga otagu holola kutya Uukwaniilwa waKalunga epangelo lyolela. Omukwaniilwa gwUukwaniilwa mboka, Jesus Kristus, okwa kala uule woomvula ethele ta shilipaleke kutya oshigwana shaKalunga otashi longwa oshili.

MOSHITOPOLWA SHIKA

ONTOPOLWA 3

Jehova ta holola elalakano lye

Mbela petameko Jehova okwa li e na elalakano lyokudhika po Uukwaniilwa? Jesus okwa li a gandja uuyelele wuni kombinga yUukwaniilwa?

ONTOPOLWA 4

Jehova ta simanekitha edhina lye

Uukwaniilwa owa tompola shike shi na sha nedhina lyaKalunga? Ongiini to vulu okusimanekitha edhina lyaJehova?

ONTOPOLWA 5

Omukwaniilwa ta gandja uuyelele kombinga yUukwaniilwa

Uva ko nawa Uukwaniilwa waKalunga, aapangeli naalelwa yawo naashoka wu na okuninga wu wu ambidhidhe.