Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Uukwaniilwa waKalunga otawu pangele!

Kolumoho: Omukokolindjila tu uvitha moKorea mo 1931; kolulyo: Taya uvitha melaka lyokuudhika kunena moKorea

 OSHITOPOLWA 2

Okuuvitha kombinga yUukwaniilwa — Onkundana ombwanawa tayi taandelithwa muuyuni awuhe

Okuuvitha kombinga yUukwaniilwa — Onkundana ombwanawa tayi taandelithwa muuyuni awuhe

 NATU tye nduno oto ilongekidhile uukalele ongulonene. Ihe owu uvite wa fa wa loloka kashona noto dhiladhila wu kothe po ishewe. Ihe sho wa galikana owa tokola wu ye muukalele. Owa longo pamwe nomwiitaali omukokele ngoka a kala ta longele Jehova omimvo nomimvo. Eidhidhimiko lye nolukeno lwe oye ku tsu omukumo. Sho tu uvitha egumbo negumbo owa dhimbulukwa kutya ooitaali ooyakweni muuyuni awuhe otaya ningi sha faathana, taya longitha iileshomwa ya faathana nohaya dheulwa sha faathana. Sho wa shuna kegumbo owu uvite wu na oonkondo nowa nyanyukwa sho inoo kala pegumbo!

Iilonga yokuuvitha Uukwaniilwa waKalunga oyo ya simanenena kunena. Jesus okwa hunganekele kutya momasiku gahugunina iilonga yokuuvitha otayi ka longwa muuyuni awuhe. (Mat. 24:14) Ehunganeko ndika olya gwanithwa ngiini? Moshitopolwa shika otatu ka kundathana kombinga yaantu, yomikalo noyiilongitho mbyoka ya kala nokulongithwa muukalele okukwathela aantu omamiliyona ya mone kutya Uukwaniilwa waKalunga epangelo lyolela.

MOSHITOPOLWA SHIKA

ONTOPOLWA 6

Aauvithi — Taya iyamba nehalo ewanawa

Omolwashike Jesus a li e shi kutya ota ka kala e na aauvithi yehalo ewanawa momasiku ngaka gahugunina? Oto ku ulika ngiini kutya owa pititha komeho Uukwaniilwa?

ONTOPOLWA 7

Omikalo dhokuuvitha — Taya longitha omukalo kehe yu uvithile aantu

Tala komikalo ndhoka oshigwana shaKalunga sha kala tashi longitha okuuvithila aantu oyendji onkundana ombwanawa ngaashi tashi vulika manga ehulilo inaali ya.

ONTOPOLWA 8

Iilongitho yokuuvitha — Taya nyanyangidha iileshomwa yu uvithile aantu muuyuni awuhe

Omukalo moka okutoloka taku ende otagu ulike ngiini kutya Jesus ote tu ambidhidha? Iinima yini kombinga yiileshomwa yetu ye ku tompa kutya Uukwaniilwa epangelo lyolela?

ONTOPOLWA 9

Oshizemo shiilonga yokuuvitha — “Omapya oga thika okuteywa”

Jesus okwa longo aalanduli ye iinima iyali ya simana kombinga yeteyo enene lyopambepo. Iinima mbika oye tu guma ngiini kunena?