Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkundana ombwanawa ya za kuKalunga

 Oshileshwa 14

Omolwashike Kalunga e na ehangano?

Omolwashike Kalunga e na ehangano?

1. Omolwashike Kalunga a li a hogolola Aaisraeli yonale ya ninge oshigwana she?

Kalunga okwa li a hogolola oluvalo lwakukulululwa Abraham lu ninge oshigwana she e te lu pe oompango dhe. Oshigwana shoka okwa li e shi luku “Israeli” nokwe shi hogolola osho shi humithe komeho elongelokalunga lyashili nosho wo oohapu dhe. (Episalomi 147:19, 20) Onkee ano, aantu yomiigwana ayihe oya li taya vulu okulalekwa nuuyamba kuJehova okupitila moshigwana shaIsraeli. — Lesha Genesis 22:18.

Kalunga okwa li a hogolola Aaisraeli ya ninge oonzapo dhe. Ondjokonona yAaisraeli mbeyaka yonale otayi tu ulukile kutya aantu ohaya mono omauwanawa ogendji uuna taya vulika koompango dhaKalunga. (Deuteronomium 4:6) Onkee ano, aantu yomiigwana ayihe oya li haya vulu okwiilonga koshigwana shaIsraeli kombinga yaKalunga kashili. — Lesha Jesaja 43:10, 12.

2. Omolwashike pu na ehangano limwe moka mu na Aakriste yashili?

Oshigwana shaIsraeli shonale osha kala inaashi hokiwa we kuKalunga e te shi pingene po negongalo lyopaKriste. (Mateus 21:43; 23:37, 38) Kunena, pehala lyoshigwana shaIsraeli, Aakriste yashili oyo ngashingeyi oonzapo dhaJehova. — Lesha Iilonga 15:14, 17.

Jesus okwa li a tula po elandulathano opo aalanduli ye yu uvithe noya ninge aantu aalongwa miigwana ayihe. (Mateus 10:7, 11; 24:14; 28:19, 20) Pehulilo lyonkalelo ndjika tu li muyo, iilonga mbika otayi longwa neendelelo shi vulithe nale noyu uka pehulilo. Jehova okwa eta melongelokalunga lyashili aantu omamiliyona ya za miigwana ayihe; oshinima shoka inaashi ningwa nando onale mondjokonona. (Ehololo 7:9, 10) Jehova okwa tula Aakriste yashili mehangano lye opo ya ladhipikathane noya kwathathane. Aakriste yashili muuyuni auhe ohaya longwa naanaa iinima yopaMbiimbeli ya faathana uuna ya gongala momahala gawo gokulongela Kalunga. — Lesha Aahebeli 10:24, 25.

 3. Ehangano lyOonzapo dhaJehova lyopethimbo lyetu olya li lya totwa po ngiini?

Momumvo 1870 nasha, okangundu okashona kaakonakonimbiimbeli oka li ki ilongo ishewe oshili yOmbiimbeli ndjoka ya kala kaayi shiwike uule wethimbo. Oya li ye shi shi kutya Jesus okwa li a toto po egongalo lyopaKriste opo li uvithe onkundana ombwanawa, onkee ano oya li ya tameke oshikonga shokuuvitha kombinga yUukwaniilwa muuyuni auhe. Mo-1931 odha li dha taamba ko edhina Oonzapo dhaJehova. — Lesha Iilonga 1:8; 2:1, 4; 5:42.

4. Oonzapo dhaJehova odhu unganekwa ngiini?

Methelemumvo lyotango (oomvula 1 900 lwaampoka dha pita), omagongalo gopaKriste miilongo oyindji oga li haga mono uuwanawa omolwewiliko lyolutuwiliki ndoka lwa li talu tonatele omagongalo agehe koonono, nolutuwiliki ndoka olwa li lu shi shi nawa kutya Jesus oye Omutse gwegongalo. (Iilonga 16:4, 5) Sha faathana, kunena Oonzapo dhaJehova ohadhi mono uuwanawa omolwewiliko ndyoka hali gandjwa kaakuluntugongalo ya pyokoka pambepo mboka ye li iilyo yOlutuwiliki. Ohalu unganeke iitayimbelewa ayihe yOonzapo dhaJehova mbyoka hayi toloka, hayi nyanyangidha, nohayi andjakaneke iileshomwa niinima yilwe yopaMbiimbeli mbyoka hayi longithwa okukonakona Ombiimbeli momalaka ge vulithe po-600. Momukalo gwa tya ngawo, Olutuwiliki ohalu gandja ewiliko nohalu kumagidha omagongalo ge vulithe po-100 000 muuyuni auhe talu longitha Ombiimbeli. Megongalo kehe omu na aakuluntugongalo nenge aatonateli, ano aalumentu mboka ya gwanitha po iitegelelwa mbyoka ya pumbiwa. Aalumentu mbaka oye na oshinakugwanithwa shokusila oshigunda shaKalunga oshimpwiyu nohole. — Lesha 1 Petrus 5:2, 3.

Oonzapo dhaJehova odhu unganekwa opo dhi uvithe onkundana ombwanawa nokuninga aantu aalongwa. Ngaashi aayapostoli ya li haye shi ningi natse ohatu uvithile aantu egumbo negumbo. (Iilonga 20:20) Ohatu konakona Ombiimbeli naanamitima omiwanawa mboka ye na ohokwe yoku yi konakona noye hole oshili. Ihe Oonzapo dhaJehova kadhi shi owala ehangano ngaashi ehangano kehe. Tse otu li aantu yomegumbo limwe tu na Tate yetu omunahole. Otu li aamwayinathana notu holathane. (2 Aatessalonika 1:3) Jehova oshigwana she okwe shi dhika po opo shi mu nyanyudhe noshi kwathele wo yalwe, nomolwaashono shi na enyanyu kaaku na we. — Lesha Episalomi 33:12; Iilonga 20:35.

 

 

Tseya oshindji

Omalongo gashili gOmbiimbeli ogeni naanaa?

Kala mohole yaKalunga

Ongiini tatu vulu okuulika ohole nolupandu mwaashihe shoka Kalunga e tu ningila?

OOLYE TAYA LONGO EHALO LYAJEHOVA KUNENA?

Oonzapo dhaJehova aantu ye li ngiini?

Owu shi Oonzapo dhaJehova dhi li ngapi? Owu shi shike lela kombinga yetu?