Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkundana ombwanawa ya za kuKalunga

 Oshileshwa 1

Onkundana ombwanawa oshike?

Onkundana ombwanawa oshike?

1. Kalunga okunine aantu onkundana ombwanawa yashike?

Kalunga okwa hala aantu ya nyanyukilwe onkalamwenyo kombanda yevi. Okwa shiti evi nakehe shoka shi li ko molwaashoka oku ya hole. Masiku ota ka katuka onkatu opo aantu moshilongo kehe ya ka kale ye na onkalamwenyo ombwanawa. Ota ka hulitha po iinima mbyoka hayi ningitha aantu ya kale taya mono iihuna. — Lesha Jeremia 29:11.

Kapu na nando epangelo lyopantu lya pondola okuhulitha po omiyonena, omikithi nenge eso. Ihe opu na onkundana ombwanawa. Masiku, Kalunga ota ka pingena po omapangelo agehe gopantu nepangelo lye mwene. Mboka taya ka kala kohi yepangelo ndyoka otaya ka nyanyukilwa ombili notaya ka kala ye na uukolele. — Lesha Jesaja 25:8; 33:24; Daniel 2:44.

2. Omolwashike onkundana ombwanawa yi na okuuvithwa neendelelo?

Okumona iihuna otaku ka hula po owala sho Kalunga ta ka hanagula po aakolokoshi ayehe kombanda yevi. (Sefanja 2:3) Shika otashi ka ningwa uunake? Oonkalo ndhoka tadhi hepeke aantu kunena odha kala nale dha hunganekwa mOmbiimbeli. Iinima iiwinayi mbyoka tayi ningwa kombanda yevi kunena otayi ulike kutya ethimbo lyaKalunga lyokukatuka onkatu oli li popepi. — Lesha 2 Timoteus 3:1-5.

3. Otu na okuninga po shike?

Otu na okwiilonga kombinga yaKalunga mOohapu dhe, Ombiimbeli. Ombiimbeli oya fa ontumwafo ndjoka tate omunahole e tu nyolela. Otayi tu lombwele nkene tatu vulu okunyanyukilwa onkalamwenyo ombwanawa kunena nankene tatu vulu oku ka mona omwenyo gwaaluhe kombanda yevi monakuyiwa. Ihe aantu yamwe otashi vulika ya ka kale yu uvite nayi sho to kwathelwa wu uve ko Ombiimbeli. Ihe inatu etha nando yalwe ye tu ethithe po okwiilonga kombinga yonakuyiwa ndjoka molwaashoka Kalunga oku uvaneka kutya otatu vulu oku ka kala nonakuyiwa ombwanawa. — Lesha Omayeletumbulo 29:25; Ehololo 14:6, 7.