Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Omalongo gashili gOmbiimbeli ogeni naanaa?

 OSHIGWEDHELWAKO

Mbela Jesus okwa valwa muDesemba?

Mbela Jesus okwa valwa muDesemba?

OMBIIMBELI itayi tu lombwele kutya Jesus okwa valwa uunake. Ihe otayi tu pe etompelo ewanawa opo tu thike pehulithodhiladhilo kutya ina valwa muDesemba.

Dhiladhila kombinga yonkalo yombepo lwopuDesemba muBetlehem, omukunda moka Jesus a valelwa. Omwedhi gwOshijuda Kislev (ngoka tagu tsu kumwe naNovomba sigo Desemba lwaampono) ogwa li omwedhi ngoka haku kala ku na uutalala nomvula. Omwedhi ngoka gwa li gwa landula ko o-Tebet (Desemba sigo Januali lwaampono). Momwedhi moka omwa li hamu kala mu na uutalala wamatutu momumvo, nomathimbo gamwe okwa li haku kala olumi kiikulundundu. Natu taleni shoka Ombiimbeli tayi tu lombwele kombinga yonkalo yombepo yomoshitopolwa shoka.

Omunyoli gwOmbiimbeli Esra otu ulike kutya Kislev ogwa li omwedhi ngoka gwa li gwa tseyika shili gu na uutalala nomvula. Konima sho Esra a popi kutya opwa li engathithi lyaantu lya li lya gongala muJerusalem ‘mesiku etimilongombali lyomwedhi omutimugoyi [Kislev],’ okwa hokolola wo kutya aantu oya li ‘taya kakama omolwomvula yepoola.’ Shi na ko nasha nonkalo yombepo yopethimbo ndyoka momumvo, aantu mboka ya li ya gongala oya popi ya ti: “Ko ku na wo omvula. Itatu vulu okukala othika mpaka puuyelele.” (Esra 10:9, 13;  Jeremia 36:22) Itashi kumitha ano sho aasita mboka ya li haya kala momudhingoloko gwaBetlehem muDesemba ya li haya si oshimpwiyu opo kaaya kale miihwa nosho wo iimuna yawo yi kale ye edhililwa.

Ihe Ombiimbeli otayi ti kutya aasita oya li taya tonatele iimuna yawo miihwa uusiku mboka Jesus a valwa. Omunyoli gwOmbiimbeli Lukas okwa popi kutya pethimbo ndyoka, aasita oya li “kelundu ya langela iimuna yawo uusiku” popepi naBetlehem. (Lukas 2:8-12) Ndhindhilika kutya aasita yiimuna oya li ya langela iimuna yawo miihwa, ihe kaya li taye endaenda pondje omutenya. Oya li ye li niimuna yawo miihwa uusiku. Mbela oshiningwanima shika shokulangela iimuna miihwa oshe eleka ngaa okutiwa kutya osha li sha ningwa muDesemba pethimbo mpoka haku kala ku na uutalala nomvula muBetlehem? Hasho, inashi ningwa pethimbo ndyoka. Onkee ano, onkalo yopethimbo lyokuvalwa kwaJesus otayi ulike kutya ka li a valwa muDesemba. *

Oohapu dhaKalunga otadhi tu lombwele kondandalunde kutya Jesus okwa sa uunake, ihe itadhi gandja uuyelele oundji u na ko nasha nokutya okwa valwa uunake. Shoka otashi tu dhimbulukitha oohapu dhomukwaniilwa Salomo, tadhi ti: “Edhina lya simana oli vule omugwayo gwa nika nawa, nesiku lyokusa oli vule esiku lyokuvalwa.” (Omuuvithi 7:1) Ano itashi kumitha sho Ombiimbeli tayi gandja uuyelele oundji kombinga yuukalele waJesus neso lye, ihe otayi gandja uuyelele uushona kombinga yethimbo moka a valwa.

Sho Jesus a valwa, aasita yiimuna oya li miihwa niimuna yawo uusiku

^ okat. 1 Opo u mone uuyelele oundji, tala epandja 176-179 lyembo Reasoning From the Scriptures, lya nyanyangidhwa kOonzapo dhaJehova.