Inda koshikalimo

Inda koshikongitho oshitiyali

Oonzapo dhaJehova

Oshindonga

Ombiimbeli owe yi tala ko ngiini?

Ombiimbeli owe yi tala ko ngiini?

Oto ka tya ngiini uuna wa pulwa epulo ndyoka . . .

  • owe yi tala ko yi li embo lyiilumbu?

  • nenge embo lyoongano nomahokololo giifundja?

  • nenge owe yi tala ko yi li Oohapu dhaKalunga?

 SHOKA OMBIIMBELI TAYI TI

Enyolo kehe olya nyolithwa kombepo yaKalunga.’ — 2 Timoteus 3:16.

UUWANAWA MBOKA TO VULU OKU KA MONA UUNA WI ITAALA MOMBIIMBELI

Oto ka mona omayamukulo gomapulo ngoka ga simanenena monkalamwenyo. — Omayeletumbulo 2:1-5.

Oto ka mona mo ewiliko li shi okwiinekelwa mokukalamwenyo kwoye kwakehe siku. — Episalomi 119:105.

Oto ka kala wu na etegameno lyashili lyomonakuyiwa. — Aaroma 15:4.

 MBELA OTU NA NGAA SHILI OKWIITAALA SHOKA OMBIIMBELI TAYI TI?

Eeno, opu na omatompelo ogendji, ihe natu tale owala gatatu gomugo:

  • Otayi tsu kumwe lela. Ombiimbeli oya nyolwa omimvo dha konda 1 600 dha ka piti kaantu 40 yi ili noyi ili. Oyendji yomuyo shi valelwe ya tsakanene nando. Ihe nonando ongaaka, oyi na enenedhiladhilo limwe.

  • Ondjokonona yayo oyi li paushili. Olundji aanandjokonona muuyuni ihaye shi popi naanaa ngele oshigwana shawo sha sindwa. Ihe mepingathano naashono, aanyoli yOmbiimbeli oya nyola omapuko gawo yene ngoka ya ninga nosho wo ngoka oshigwana shawo sha ninga. — 2 Ondjalulo 36:15, 16; Episalomi 51:1-4.

  • Omahunganeko gayo ohaga gwanithwa aluhe. Omimvo 200 komeho manga oshilando Babilonia shonale inaashi hanagulwa po, Ombiimbeli oya adhika nale ya hunganeka oshinima shoka. (Jesaja 13:17-22) Inayi popya owala nkene Babilonia tashi ka hanagulwa po, ihe oya popya wo edhina lyaangoka te ke shi sinda. — Jesaja 45:1-3.

Omahunganeko gamwe gOmbiimbeli oga li ga gwanithwa, mwa kwatelwa nuuyelele wago mboka tawu monika wa fa waa na oshilonga. Shoka osho lela twa tegelela aluhe shi na ko nasha nomahunganeko ngoka ge li mOohapu dhaKalunga. — 2 Petrus 1:21.

 TALA KEPULO NDIKA

Oohapu dhaKalunga otadhi vulu ngiini okuhwepopaleka onkalamwenyo yoye?

Ombiimbeli otayi gandja eyamukulo muJESAJA 48:17, 18 nosho wo muTIMOTEUS OMUTIYALI 3:16, 17.

 

 

Tseya oshindji

ONKUNDANA OMBWANAWA YA ZA KUKALUNGA

Mbela onkundana ombwanawa oya za tuu shili kuKalunga?

Ongiini tatu vulu okukala nuushili kutya shoka sha nyolwa mOmbiimbeli oshoshili?