Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Longa aamwoye

 OSHILESHWA 12

Omwanagona gwaPaulus okwa li omulaadhi

Omwanagona gwaPaulus okwa li omulaadhi

Natu ilonge kombinga yomumati omugundjuka ngoka a li a hupitha hekulu. Hekulu yomumati ngoka, omuyapostoli Paulus. Edhina lyomumati ngoka katu li shi, ihe otu shi kutya okwa li a katuka nuulaadhi moshinima shontumba. Owa hala okuuva shoka a li a ningi?— 

Paulus okwa li mondholongo muJerusalem. Okwa li a kwatwa po molwaashoka okwa li tu uvitha kombinga yaJesus. Aalumentu yamwe aakolokoshi oya li ye tonde Paulus, onkee ano, oya pangele ompangela ombwinayi. Oya ti: ‘Natu puleni omuwilikimukuluntu gwaakwiita a tume aakwiita ye ye ete Paulus kompangu. Tse tatu holama pondjila, opo sho Paulus te ende po, tse tatu mu dhipaga.’

Omwanagona gwaPaulus okwa li a lombwele Paulus nomuwilikimukuluntu gwaakwiita kombinga yompangela ndjoka ombwinayi

Omwanagona gwaPaulus oku uvu ompangela ndjika. Okwa ningi po shike? Okwa yi kondholongo e te shi lombwele Paulus. Opo nduno, Paulus okwe mu lombwele a ka lombwele omuwilikimukuluntu gwaakwiita kombinga yompangela ndjoka ombwinayi. Mbela oto dhiladhila kutya osha li oshipu komwanagona gwaPaulus okupopya nomuwilikimukuluntu gwaakwiita?—  Aawe, molwaashoka omuwiliki okwa li omuntu a simana. Ihe molwaashoka omwanagona gwaPaulus okwa li omulaadhi, okwa yi e ta popi naye.

Omuwilikimukuluntu gwaakwiita okwa li e shi shoka e na okuninga. Okwa kutha aakwiita 500 lwaampono ya gamene Paulus. Okwe ya lombwele ya fale Paulus kuKesarea uusiku mboka. Mbela Paulus okwa li a hupu?—  Eeno, aalumentu aakolokoshi inaya vula oku mu ponokela. Ompangela yawo ombwinayi oya ponyo.

Oshike to vulu okwiilonga mo mehokololo ndika?—  Nangoye oto vulu okukala omulaadhi ngaashi omwanagona gwaPaulus. Otwa pumbwa okukala aalaadhi uuna tatu popi naantu kombinga yaJehova. Mbela oto ka kala omulaadhi nokutsikila okupopya kombinga yaJehova?—  Ngele owe shi ningi, otashi vulika wu ka hupithe omuntu gwontumba.

LESHA MOMBIIMBELI YOYE

  • Iilonga 23:12-24

  • Mateus 24:14; 28:18-20

  • 1 Timoteus 4:16