Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Ombiimbeli oyi na etumwalaka lini?

Engongo lyetumwalaka lyOmbiimbeli

Engongo lyetumwalaka lyOmbiimbeli
  1. Jehova okwa shiti Adam naEva nelalakano ya kale nomwenyo sigo aluhe mOparadisa. Satana okwa shekitha edhina lyaKalunga nokwa tula momalimbililo uuthemba waKalunga wokupangela. Adam naEva oya li ya kutha ombinga muunashibotha waSatana, shoka sha li she ye etele uulunde neso, mbyoka ya taandele maantu ayehe

  2. Jehova okwa pangula aanashipotha noku uvaneke kutya otapu ka holoka Omuhupithi nenge Oluvalo ndoka talu ka nyanyagula po Satana nokuhulitha po iilanduliko ayihe yuunashipotha nuulunde

  3. Jehova oku uvanekele Abraham naDavid kutya otaya ka kala oohekulululwa yOluvalo nenge Mesiasa ngoka ta ka pangela e li Omukwaniilwa sigo aluhe

  4. Jehova okwa nwetha mo aapolofeti ya hunganeke kutya Mesiasa ota ka kutha po uulunde neso. Mesiasa ota ka pangela pamwe naapangeli ooyakwawo e li Omukwaniilwa gwUukwaniilwa waKalunga, mboka tawu ka hulitha po iita, uuwehame neso

  5. Jehova okwa tumu Omwana kombanda yevi nokwa popi kutya Jesus oye Mesiasa. Jesus oku uvitha kombinga yUukwaniilwa waKalunga nokwa yamba po omwenyo gwe. Jehova okwe mu yumudha e li oshishitwa shopambepo

  6. Jehova okwa tula Omwana koshipangelapundi e li Omukwaniilwa megulu, shono shi li endhindhiliko lyetameko lyomasiku gahugunina gonkalelo ndjika yiinima. Jesus ota wilike aalanduli ye yokombanda yevi sho tayu uvitha onkundana yUukwaniilwa waKalunga muuyuni auhe

  7. Jehova ota ka wilika Omwana a pangele ombanda yevi okupitila mUukwaniilwa. Uukwaniilwa mbuka otawu ka hanagula po omapangelo nokweeta Oparadisa kombanda yevi notawu ka fala aantu aadhiginini megwaneneno. Uuthemba waJehova wokupangela otawu ka yukipalithwa nedhina lye otali ka yapulithwa sigo aluhe