Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Ombiimbeli oyi na etumwalaka lini?

 OSHITOPOLWA 22

Aayapostoli oya li yu uvitha nopwaahe na uumbanda

Aayapostoli oya li yu uvitha nopwaahe na uumbanda

Egongalo lyopaKriste olya tali humu komeho neendelelo nonando opu na omapataneko

KONIMA yomasiku omulongo sho Jesus a londo a yi megulu, aalongwa ye 120 lwaampono oya li ya gongala megumbo muJerusalem pethimbo lyOshituthi shAajuda shOpentekoste mo 33 E.N. Ombaadhilila, mehala moka ya li ya gongala omwe ya oshihomo sha fa oshikungulu oshinene. Aalongwa oya tameke okupopya pashikumithalonga omalaka ngoka ya li kaaye shi. Mbela oshike sha li she etitha oshiningwanima sha tya ngawo oshikumithi. Kalunga okwa tilile aalongwa ombepo ondjapuki.

Pondje opwa li pu na aayenda ya za kiilongo yilwe oyindji ya li ye ya koshituthi. Oya li ya kumwa noonkondo okuuva omalaka gawo taga popiwa nawa kaalongwa yaJesus. Petrus okwa li a yelitha shoka sha li sha ningwa po kombinga yaashoka omupolofeti Joel a li a popi kutya Kalunga ota ka “tilila” aantu ombepo ye ondjapuki notayi ke ya pa omagano pashikumithalonga. (Joel 2:28, 29) Oshiningwanima shoka osha li sha gandja uunzapo mboka tawu ulike kutya opwa ningwa elunduluko enene mondjokonona yaalongelikalunga, ndyoka kutya Kalunga ka li we a hokwa Aaisraeli, ihe okwa li a hokwa egongalo lyopaKriste ndyoka opo lya totwa. Mboka ya li ya hala okulongela Kalunga momukalo ngoka a hokwa oya li ye na okuninga aalanduli yaKristus.

Konima yethimbo omapataneko oga li ga taandele naatondi oya li ya tula aalongwa moondholongo. Ihe uusiku wumwe, omuyengeli gwaJehova okwa li a patulula omweelo gwondholongo e ta lombwele aalongwa ya tsikile nokuuvitha. Sho kwa shi, aalongwa oya tsikile nokuuvitha. Oya yi motempeli e taya tameke okulonga aantu onkundana ombwanawa kombinga yaJesus. Mboka ya li ompinge nelongelokalunga oya li ya geye noonkondo e taye ya lombwele ya hulithe po okuuvitha. Aayapostoli oya li ye ya yamukula nopwaahe na uumbanda ya ti: “Otse otu na okuvulika kuKalunga, hakaantu.”—Iilonga 5:28, 29.

Omahepeko ogi ihanene apuhe. Omulumentu gumwe Omujuda okwa li a lundile omulongwa Stefanus kutya okwa sheka Kalunga noye mu dhipaga nomamanya. Omulumentu gumwe omugundjuka Saulus gwokuTarsus opo a li sho Stefanus ta dhipagwa nomamanya nokwa li e shi nyanyukilwa. Opo nduno okwa yi kuDamasko a ka kwate po kehe omulanduli gwaKristus. Manga Saulus a li mondjila yokuya hoka uuyelele wa zi megulu owe mu adhimine noku uvu e wi tali ti: “Saulus, Saulus, omolwashike to tidhagana ndje?” Saulus ngoka a li a tsikithwa kuuyelele okwa pula a ti: “Ongoye lye?” Ewi olya yamukula tali ti: “Ongame Jesus, ngoka to mu tidhagana.”—Iilonga 9:3-5.

Konima yomasiku gatatu, Jesus okwa li a tumu Ananias a ka tsikulule omeho gaSaulus. Saulus okwa li ninginithwa e ta tameke okuuvitha nuulaadhi kombinga yaJesus. Saulus okwa tseyika nedhina omuyapostoli Paulus nokwa ningi oshilyo shegongalo lyopaKriste oshilaadhi.

Aalongwa yaJesus oya kala owala nokuuvithila Aajuda nAasamaria onkundana ombwanawa yUukwaniilwa waKalunga. Omuyengeli gwaKalunga okwa li i ihololele Kornelius, omukuluntu gwetangakwiita lyAaroma omutilikalunga nokwe mu lombwele e ki ithanenwe omuyapostoli Petrus e ye kuye. Petrus okwa li e ya naalongwa ooyakwawo nokuuvithile Kornelius nosho wo uukwanegumbo we. Manga Petrus a li ta popi, ombepo ondjapuki oya li ya tililwa mboka ya li kaaye shi Aajuda, nomuyapostoli okwa ti kutya oye na okuninginithwa medhina lyaJesus. Ondjila ndjoka tayi fala komwenyo gwaluhe oya li ye egululilwa aantu ayehe yomiigwana ayihe. Egongalo olya li lyi ilongekidha okuuvitha onkundana ombwanawa kooha nooha dhuuyuni.

—Uuyelele moshitopolwa shika owa kankamena kIilonga 1:1–11:21.