Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oolye taya longo ehalo lyaJehova kunena?

 Oshileshwa 19

Ngele taku popiwa “omupiya omudhiginini nomunandunge” olye naanaa ta popiwa?

Ngele taku popiwa “omupiya omudhiginini nomunandunge” olye naanaa ta popiwa?

Atuheni ohatu paluthwa pambepo

Konima owala yethimbo efupi manga Jesus inaa sa, okwa li i ikundu po naalongwa ye yane, Petrus, Jakob, Johannes naAndreas. Sho a li te ya lombwele ehunganeko li na ko nasha nendhindhiliko lyokukala po kwe pethimbo lyomasiku gahugunina, okwa pula epulo lya simana: “Olye ano omupiya omudhiginini nomunandunge ngoka omuwa gwe e mu pe a tonatele egumbo lye, a pe aapiya ooyakwawo iikulya pethimbo lyo opala?” (Mateus 24:3, 45, NW; Markus 13:3, 4) Jesus okwa li tu uvanekele aalongwa ye kutya, e li “omuwa” gwawo, ota ka langeka po mboka taya ka kala haya pe aluhe aalanduli ye iikulya yopambepo pethimbo lyehulilo. Omupiya nguka ota ka kala a thikama po moolye?

Oyo aalanduli yashili yaJesus mboka ya gwayekwa nombepo. “Omupiya” oha gandja iikulya yopambepo pethimbo lyo opala kaalongeli yaJehova ooyakwawo. Otwi ikolelela komupiya nguka omudhiginini oye a tsikile noku tu pa “iikulya ya gwana pethimbo lyo opala.” — Lukas 12:42NW.

Oha sile egumbo lyaKalunga oshimpwiyu. (1 Timoteus 3:15) Jesus okwa li a pe omupiya nguka oshinakugwanithwa oshinene shokuwilika iilonga mbyoka tayi longwa kehangano lyaJehova kombanda yevi ngaashi okutonatela iiniwe yehangano, okuwilika iilonga yokuuvitha, noku tu longa okupitila momagongalo. Opo e tu pe shoka twa pumbwa uuna twe shi pumbwa, “omupiya omudhiginini nomunandunge” oha gandja iikulya yopambepo okupitila miileshomwa mbyoka hatu longitha miilonga yetu yokuuvitha nosho wo okupitila mopolohalama ndjoka hayi landulwa pokugongala nopiigongi.

Omupiya nguka ohu ungaunga nuudhiginini noshili yOmbiimbeli nosho wo noshilonga she shoka a pewa shokuuvitha onkundana ombwanawa, noha sile wo oshimpwiyu iinima yaKristus huka kombanda yevi noondunge. (Iilonga 10:42) Jehova ote eta aantu oyendji mehangano lye nota kwathele omupiya omudhiginini nomunandunge a gandje iikulya oyindji yopambepo. — Jesaja 60:22; 65:13.

  • Olye a li a langekwa po kuJesus a gandje iikulya yopambepo kaalongwa ye?

  • Omomikalo dhini taku vulu okutiwa kutya omupiya oku li omudhiginini nomunandunge?

Tseya oshindji

OSHUNGOLANGELO (YOKUKONAKONWA)

‘Olye omupiya omudhiginini nomunandunge?’

Oshitopolwa shika otashi yelitha euvoko lyetu kombinga yomupiya omudhiginini nomunandunge. Tala nkene uupitilo mbuka tawu tu kwathele tu kale tu na uukolele wopambepo.