Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oolye taya longo ehalo lyaJehova kunena?

 Oshileshwa 13

Omukokolindjila oha ningi shike?

Omukokolindjila oha ningi shike?

Canada

Egumbo negumbo

Ekonakonombiimbeli

Ekonakono lyopaumwene

Olundji oshitya “omukokolindjila” ohashi longithwa okupopya kombinga yomuntu ngoka ha yi komahala omape nokupala ondjila opo yalwe ye ende mo. Otaku vulu okutiwa kutya Jesus naye okwa li omukokolindjila molwaashoka okwa li a tumwa kombanda yevi a longe iilonga mbyoka tayi gandja omwenyo, ye a pale ondjila ndjoka tayi fala kehupitho. (Mateus 20:28) Kunena aalanduli ye ohaya holele oshiholelwa she sho haya longo ethimbo ele ngaashi tashi vulika, taya ‘ningi aantu aalongwa.’ (Mateus 28:19, 20) Yamwe oya vula oku ya miilonga mbyoka hatu ithana iilonga yuukokolindjila.

Omukokolindjila, omuuvithi gwevaangeli ngoka hu uvitha esiku alihe. Oonzapo dhaJehova adhihe ohadhi uvitha onkundana ombwanawa. Ihe yamwe oya ninga omalongekidho opo ya ninge aakokolindjila yondjigilile, taya longo oowili 70 kehe komwedhi. Opo ya vule oku shi ninga, oyendji ohaya longo owala etatasiku miilonga yokwiikongela omboloto. Yamwe oya hogololwa ya ninge aakokolindjila yi ikalekelwa miitopolwa moka mu na ompumbwe onene yaauvithi yUukwaniilwa nohaya longo oowili 130 nenge dhi vule po kehe omwedhi miilonga yokuuvitha. Aakokolindjila oya gwanenwa nokukala kaaye na iinima oyindji monkalamwenyo molwaashoka oye na einekelo kutya Jehova ote ke ya gwanithila po oompumbwe dhawo. (Mateus 6:31-33; 1 Timoteus 6:6-8) Mboka ihaaya vulu okukala miilonga yuukokolindjila esiku alihe ohaya vulu okulonga ye li aakwathelikokolindjila uuna taya vulu, nohaya longo oowili 30 nenge 50 momwedhi miilonga yokuuvitha.

Omukokolindjila ohi inyengithwa u uvithe omolwohole ye yokuhola Kalunga nosho wo aantu. Ngaashi Jesus a li e shi dhimbulula, natse ohatu dhimbulula kutya aantu oya pumbwa noonkondo okutseya Kalunga nosho wo elalakano lye. (Markus 6:34) Nonando oye li monkalo ndjoka, tse otu na ontseyo ndjoka tayi vulu oku ya kwathela ngashingeyi, notayi ya pe einekelo lya kola lyonakuyiwa. Ohole yokuhola aantu ohayi inyengitha omukokolindjila a longithe ethimbo lye noonkondo dhe a vule okukwathela yalwe pambepo. (Mateus 22:39; 1 Aatessalonika 2:8) Shika ohashi nkondopaleke eitaalo lye, hashi mu kwathele a kale e na ekwatathano lyopothingo naKalunga shi vulithe nale, nohashi mu etele enyanyu olindji. — Iilonga 20:35.

  • Omukokolindjila oha ningi shike?

  • Oshike hashi inyengitha yamwe ya ninge aakokolindjila haya longo esiku alihe?

Tseya oshindji

OSHUNGOLANGELO (YOKUKONAKONWA)

Uukokolindjila ohawu koleke ekwatathano lyetu naKalunga

Konakona omikalo hetatu moka uukokolindjila tawu vulu okukoleka ekwatathano lyetu naJehova. Oshike tashi ke ku kwathela wu tsikile miilonga mbika yi ikalekelwa?