Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oolye taya longo ehalo lyaJehova kunena?

 Oshileshwa 8

Omolwashike hatu zala nawa ngele tatu yi kokugongala?

Omolwashike hatu zala nawa ngele tatu yi kokugongala?

Iceland

Meksiko

Guinea-Bissau

Filipine

Sho wa tala omathano ngoka ge li mokabroshure haka owa koneka ngaa nkene Oonzapo dhaJehova dha zala nawa sho dhi li pokugongala kwadho kwegongalo? Omolwashike hatu gandja eitulomo komizalo dhetu nokeholokopo lyetu?

Opo tu ulike kutya otwa simaneka Kalunga ketu. Oshoshili kutya Kalunga iha tala owala keholokopo lyetu. (1 Samuel 16:7) Ihe ngele twa gongala pamwe tu mu longele, ohatu kala twa halelela okuulika kutya otwe mu simaneka notwa simaneka wo ooitaali ooyakwetu. Ngele ando otwa li tatu ka thikama koshipala shomupanguli mompangu, otatu ka kala twa hala tu kale twa zala nawa molwaashoka otwa simaneka ondondo ye. Sha faathana, eholokopo lyetu ngele tu li pokugongala otali ku ulika kutya otwa tala ko ngiini “Omupanguli guuyuni auhe,” Jehova Kalunga, nosho wo ehala lyetu mpoka hatu mu longelele. — Genesis 18:25.

Opo tu ulike kutya otatu wilikwa komithikampango dhini. Ombiimbeli otayi ladhipike Aakriste “ya dhiladhile nawa kombinga yomizalo dhawo, yo ya zale oonguwo dhi shi kutalwa” ngaashi “ooitaali” ye na okukala. (1 Timoteus 2:9, 10) Okuzala “oonguwo dhi shi kutalwa” okwa hala okutya katu na okuzala oonguwo ndhoka tadhi ningitha aantu ya kale owala ye tu tala molwaashoka iikutu mbyoka twa zala otayi holola kutya otatu iyulike, tayi holola kutya otwa hala okukokela yalwe momilalo nenge tayi imonikila. Ishewe, ‘okudhiladhila nawa’ ohaku tu kwathele tu hogolole omizalo ndhoka dhi shi okutalwa, pehala lyokukala dha ndjondjolokela nenge kaadhi na ondjele. Omakotampango ngaka inaga manga omuntu a ninge ehogololo lye ye mwene. Nonando inatu popya sha omizalo dhetu otadhi ku ulika kutya otwa ‘simaneka elongo ndyoka tali popi Omuhupithi gwetu’ notatu ka ulika kutya ohatu “hambelele Kalunga.” (Titus 2:10; 1 Petrus 2:12) Ngele otwa kala hatu zala nawa ngele tatu yi kokugongala otashi ka guma etaloko lyayalwe li na ko nasha nokulongela Jehova.

Ino etha omizalo dhoye dhi ku imbe okugongala pamwe natse pOshinyanga shUukwaniilwa. Otatu vulu okuzala omizalo dha yela, tadhi opalele nodhi shi okutalwa nonando kadhi shi dhondilo.

  • Omolwashike sha simana tu kale hatu zala omizalo dhi li nawa ngele tatu longele Kalunga?

  • Omakotampango geni hage tu wilike mokuhogolola omizalo dhetu nosho wo eholokopo lyetu?