Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oolye taya longo ehalo lyaJehova kunena?

 Oshileshwa 6

Okweendathana nAakriste ooyakwetu ohaku tu etele uuwanawa washike?

Okweendathana nAakriste ooyakwetu ohaku tu etele uuwanawa washike?

Madagascar

Norway

Lebanon

Italia

Nokuli nonando otu kale tu na okweenda momithitu nenge monkalo yombepo kaayi li nawa, ohatu yi aluhe kokugongala kwetu kwopaKriste. Omolwashike Oonzapo dhaJehova hadhi ningi oonkambadhala ndhoka opo dhi endathane nooitaali ooyakwawo nonando odhi kale dha taalelwa komashongo nenge dha lolodhwa kiilonga yesiku?

Omolwonkalonawa yetu. Omuyapostoli Paulus okwa li a lombwele mboka ye li megongalo kutya ‘naya silathane oshimpwiyu.’ (Aahebeli 10:24) Uutumbulilo mbuka owa hala okutya natu kale hatu ningi oonkambadhala tu tseyathane nooitaali ooyakwetu. Onkee ano, oohapu dhomuyapostoli Paulus otadhi tu ladhipike tu kale tu na ko nasha nayalwe. Ngele otwa kala hatu endathana nAakriste ooyakwetu, otatu ka tseya kutya yamwe yomuyo oya pita momashongo ga fa getu notaya vulu oku tu kwathela tu sinde omashongo ngoka.

Ohaku tu kwathele tu kale tu na uukuume tau kalelele. Pokugongala, ohatu kala po nookuume kashili, hanaantu ashike mboka tu shi. Ohatu tyapula wo pamwe nayo nuuna kaatu li pokugongala. Eendathano ndyoka ohali tu etele uuwanawa wuni? Ohali tu kwathele tu kale twa simaneka yalwe, nohali nkondopaleke ohole yetu. Ohatu kala twi ilongekidha okukwathela ookuume ketu mboka ye na uupyakadhi molwaashoka otu na ekwatathano lya kola nayo. (Omayeletumbulo 17:17) Ngele otwa kala hatu endathana naayehe megongalo otashi ka ulika kutya ohatu “silathana oshimpwiyu.” — 1 Aakorinto 12:25, 26.

Otatu ku ladhipike wu imonene ookuume mboka taya longo ehalo lyaKalunga. Oto vulu okwiimonena ookuume mboka mokati kOonzapo dhaJehova. Ino etha nando osha shilwe shi ku imbe okweendathana natse.

  • Omolwashike tashi ke tu etela uuwanawa ngele otwa kala hatu endathana nayalwe pokugongala?

  • Uunake to ya wu tu talele po kegongalo lyetu lyOonzapo dhaJehova?

Tseya oshindji

OKUGONGALA

Okugongala kwetu kwegongalo ohaku ningwa pamulandu guni?

Ilonga nkene hatu ningi elongelokalunga lyetu.