Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oolye taya longo ehalo lyaJehova kunena?

 Oshileshwa 28

Kehala lyetu lyokointaneta ohaku kala ku na shike?

Kehala lyetu lyokointaneta ohaku kala ku na shike?

Fulaanisa

Poland

Rusia

Jesus Kristus okwa li a lombwele aalongwa ye a ti: “Uuyelele weni nau yele montaneho yaantu, ya mone iilonga yeni iiwanawa noya hambelele Ho yeni yomegulu.” (Mateus 5:16) Opo tu ninge ngawo ohatu longitha nawa iikwaniipangitho yopauteknologi mwa kwatelwa Ointaneta. Ehala lyetu lyokOintaneta, www.jw.org, olyo hatu longitha pambelewa tu andjaganeke uuyelele kombinga yomalongo niilonga yOonzapo dhaJehova. Ohaku kala ku na shike?

Omayamukulo gomapulo gopaMbiimbeli ngoka haga pulwa olundji. Oto ka adha ko omayamukulo gomapulo ga simana ngoka aantu oyendji ya kala nokupula. Gahamano gomomapulo ngoka oga yamukulwa mokatraktate Mbela owa hala okutseya oshili? hoka ta ka monika kOintaneta momalaka 400 lwaampo. Oto vulu wo okwaadha ko o-New World Translation momalaka ogendjigendji niileshomwa yokukwathela aantu ya konakone Ombiimbeli ngaashi embo Omalongo gashili gOmbiimbeli ogeni naanaa? nosho wo Oshungolangelo no-Awake! ndjoka opo ya piti. Oyindji yomiinima mbika hatu nyanyangidha otayi vulu okuleshwa nenge okupulakenwa kOintaneta nenge yi tapwe ko molupe lwewi, lwo-PDF nenge lwo-EPUB. Oto vulu okupilinta ko omapandja gontumba wu ga pe omuntu ngoka e na ohokwe melaka lye. Uuvidio momalaka gi ili nogi ili gokuudhika nawo oko tawu adhika. Oto vulu okutapa ko elesho lyOmbiimbeli molupe lwoshinyandwa, iinyandwa yopaMbiimbeli, nomusika ombwanawa ndjoka to vulu okupulakena sho wa thuwa po.

Uuyelele womondjila kombinga yOonzapo dhaJehova. Oto adha ko wo oonkundana opo dha piti nuuvidio wu na ko nasha niilonga yetu yomuuyuni auhe, niinima mbyoka ya guma Oonzapo dhaJehova nosho wo niilonga yetu yokukwathela aantu mboka ya adhika kiiponga. Oto ka adha ko wo omatseyitho kombinga yiigongi mbyoka tayi ka ningwa, nuuyelele wankene to vulu okukwatathana niitayimbelewa yetu.

Momikalo dha tya ngeyi, otatu minikile nuuyelele woshili kooha adhihe dhuuyuni. Aantu momanenevi agehe otaya mono mo uuwanawa, mwa kwatelwa mboka ye li ko-Antarktika. Otatu galikana Jehova opo “oohapu dhe dhi tsikile okutaandela neendelelo” nuuyuni auhe shi mu simanekithe. — 2 Aatessalonika 3:1NW.

  • O-www.jw.org/ng otayi kwathele ngiini aantu yi ilonge oshili yOmbiimbeli?

  • Owa hala ko uuyelele washike kehala lyetu lyokOintaneta?