Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Embo lyandje lyomahokololo gOmbiimbeli

Ehokololo 115: Oparadisa Ompe Kombanda yEvi

Ehokololo 115: Oparadisa Ompe Kombanda yEvi

TALA komiti ndhoka ominene, oongala oombwanawa noondundu oondeendeka. Mpaka opuuwanawa ndishi? Tala nkene okapundja taka li moshikaha shomumati. Nou tale koonkoshi nuukambe wa thikama hwiya konima yadho. Ngoye ito ka hala ando mbela okukala megumbo li li mehala lya fa ndika?

Kalunga okwa hala ngoye u kale nomwenyo sigo aluhe moparadisa kombanda yevi. Nokwa hala ngoye waa hepekwe komikithi nokuuwehame mbyoka aantu ye na nena. Kwaamboka taa ka kala moparadisa ompe, Ombimbeli otayi uvaneke: ‘Kalunga ota ka kala pamwe nayo. Itamu ka kala we eso nenge okulila nenge uuwehame. Iinima iikulu oya hulu po.’

Jesus ota ka sa oshimpwiyu opo elunduluko ndika ekumithi li ningwe. Owa tseya kutya uunake? Eeno, okonima ngele ye o opaleke evi kuuwinayi auhe naantu aawinayi. Dhimbulukwa kutya Jesus okwa aludhile aantu komikithi dhi ili nodhi ili sho ye a li kombanda yevi, nonokuli ye okwa yumudhile aasi. Jesus okwe shi ningi okuulika shoka ye ta ka ninga kombanda yevi alihe uuna ye a ningi Omukwaniilwa gwUukwaniilwa waKalunga.

Dhiladhila owala nkene tashi ka kala oshikumithi moparadisa ompe kombanda yevi! Jesus ota ka pangela okuza megulu pamwe naamboka ye ta hogolola. Aapangeli mbaka otaa ka tonatela ayehe kombanda yevi notaa ka sa oshimpwiyu opo yo ya kale nelago. Natu tale shoka tse tu na okuninga opo tu kale nuushili kutya Kalunga ote ke tu pa omwenyo gwaaluhe moparadisa ye ompe.

Ehololo 21:3, 4; 5:9, 10, faatha-nitha oNew World Translation of the Holy Scriptures; 14:1-3.

Oparadisa


Omapulo

  • Oonkalo dhini Ombimbeli tayi popi tatu ka nyanyukilwa mOparadisa kombanda yevi?
  • Ombimbeli otayi uvanekele shike mboka taya ka kala mOparadisa?
  • Uunake Jesus ta ka sa oshimpwiyu opo elunduluko ndyoka ekumithi li ningwe?
  • Sho Jesus a li kombanda yevi, oshike a li a ningi opo u ulike shoka ta ka ninga e li Omukwaniilwa gwUukwaniilwa waKalunga?
  • Jesus naapangeli ooyakwawo yomegulu otaya ka shilipaleka shi na ko nasha nashike ngele taya pangele ombanda yevi okuza megulu?

Omapulo ga gwedhwa po

  • Lesha Ehololo 5:9, 10, NW.

    Omolwashike tatu vulu okukala neinekelo kutya mboka taya ka pangela kombanda yevi pethimbo lyEpangelo lyOomvula Eyuvi otaya ka kala aakwaniilwa naapristeli ye na olukeno noye na ohenda? (Ef. 4:20-24; 1 Pet. 1:7; 3:8; 5:6-10)

  • Lesha Ehololo 14:1-3.

    Otashi ulike shike sho edhina lyaHe nedhina lyOnzigona ga nyolwa miipala yaamboka 144 000? (1 Kor. 3:23; 2 Tim. 2:19; Eh. 3:12)