Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Embo lyandje lyomahokololo gOmbiimbeli

Ehokololo 73: Omukwaniilwa Gwahugunina Omwaanawa gwaIsrael

Ehokololo 73: Omukwaniilwa Gwahugunina Omwaanawa gwaIsrael

JOSIA oku na owala oomvula hetatu sho ye ta ningi omukwaniilwa gwomazimo gaali gaIsrael gokuumbanga-lantu. Odho oonshona unene kugumwe a kale omukwa-niilwa. Ano aantu yamwe mboka aakuluntu kuye otaye mu kwatha petameko kombinga yokulela oshigwana.

Sho Josia a kala uule woomvula heyali omukwanii-lwa, ye ota tameke okukonga Jehova. Ye ota landula oshi-holelwa shaakwaniilwa aawa-nawa ngaashi David, Josafat naHiskia. Omanga ye natango e li omugundjuka, Josia ota longo oshinima shuupenda.

Omukwaniilwa Josia naalumentu ye taya hanagula po iikalunga

Uule wethimbo ele oyendji yomAaisrael oye li aawinayi noonkondo. Yo ohaa galikana iikalunga. Yo ohayi isizimikile iimenka. Omolwashono Josia naalumentu ye taa zi mo notaa tameke okuhanagula po egalikaneno lyiifundja moshilongo. Osho iilonga iidhigu, oshoka aantu oyendji ngaaka mboka haya galikana iikalunga. Ngoye oto vulu okumona Josia naalumentu ye mpaka nkene taa tetagula po iimenka.

Konima Josia ota tula po aalumentu yatatu okutonatela etungululo lyotempeli yaJehova. Iimaliwa otayi pulwa moshigwana notayi pewa aalumentu mbaka okufuta iilonga. Manga yo taa longo motempeli, omusaaseri omukuluntu Hilkia ota mono sha sha simana noonkondo moka. Osho oraamata yoompango ndjoka Jehova a nyolithitha Moses nalenale. Oya li ya kana uule woomvula odhindji.

Oraamata otayi falwa kuJosia noti indile opo e yi leshelwe. Manga ta pulakene, Josia ota ndhindhilike kutya oshigwana inashi dhiginina oompango dhaJehova. Ye okwa yemata kwaashono, ano ye ota tuula oonguwo dhe ngaashi ngoye to vulu okumona mpaka. Ye ota ti: ‘Jehova okwe tu geela, oshoka ookuku yetu inaa dhiginina oompango dhomoraamata ndjika.’

Hilkia nomukwaniilwa Josia

Josia ota lombwele omusaaseri omukuluntu Hilkia a mone kutya Jehova ote ke ya ningila shike. Hilkia ota yi komukiintu Hulda, ngoka omuprofeti, note mu pula. Ye ote mu pe etumwalaka ndika lya zi kuJehova e li fale kuJosia: ‘Jerusalem noshigwana ashihe otaya ka geelwa molwashoka yo oya galikana iikalunga noyu udhitha oshilongo uuwinayi. Ihe molwashoka ngoye, Josia, oto longo shoka oshiwanawa, egeelo ndika itali ke ya manga ngoye inoo sa.’

2 Ondjalulahokololo 34:1-28.



Omapulo

  • Josia okwa li e na oomvula ngapi sho a ningi omukwaniilwa, noshike a li a tameke okuninga sho a kala omukwaniilwa uule woomvula heyali?
  • Oshike u wete Josia ta ningi mefano lyotango?
  • Omusaaseri omukuluntu okwa li a mono shike manga aalumentu ya li tayo opalekulula otempeli?
  • Omolwashike Josia a li a tuula oonguwo dhe?
  • Etumwalaka lini lya zi kuJehova omuprofeti omukiintu Hulda a li a pe Josia?

Omapulo ga gwedhwa po

  • Lesha 2 Ondjalulahokololo 34:1-28.

    Oshiholelwa shini Josia a tulile po mboka tashi vulika ya li yi idhidhimikile ethimbo edhigu lyokuunona wawo? (2 Ondjal. 33:21-25; 34:1, 2; Eps. 27:10)

    Oonkatu dhini Josia a li a katuka opo a humithe komeho elongelokalunga lyashili pethimbo lyomumvo omuti-8, omuti-12 nomuti-18 gwelelo lye? (2 Ondjal. 34:3, 8)

    Iiyilongomwa yini yokukaleka omahala getu gelongelokalunga ga yela tatu vulu okwiilonga miiholelwa yomukwaniilwa Josia nomusaaseri omukuluntu Hilkia? (2 Ondjal. 34:9-13; Omayel. 11:14; 1 Kor. 10:31)