Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Embo lyandje lyomahokololo gOmbiimbeli

Ehokololo 53: Euvaneko lyaJefta

Ehokololo 53: Euvaneko lyaJefta
Omwanakadhona gwaJefta

NGOYE owa ninga nale mbela euvaneko nokonima olya ka ninga edhigu oku li gwanitha? Osho omulumentu nguka mefano a ningi, nosho molwashoka ye e uvite eyeme ngawo. Omulumentu oye ependa omutokolihapu gwaIsrael. Edhina lye oJefta.

Jefta oku li methimbo ndyono Aaisrael itaa galikana we Jehova. Yo otaa longo ishewe iinima ya puka. Ano Jehova ota pitika opo aantu yokuAmmon ye ya ninge nayi. Oshi ithanitha Aaisrael Jehova: ‘Tse otwa yono kungoye. Alikana tu hupitha!’

Jefta naalumentu ye

Oshigwana oshu uvite ohenda kombinga yiinima iiwinayi mbyoka sho sha ningi. Sho otashi holola kutya sho oshu uvite ohenda mokugalikana ishewe Jehova. Ano Jehova ote ya kwatha ishewe.

Oshigwana otashi hogolola Jefta a ka kondjithe Aayamoni aawinayi. Jefta okwa hala noonkondo Jehova e mu kwathe molugodhi. Ano ye otu uvanekele Jehova: ‘Ngele to gandja Aayamoni miikaha yandje, ngame otandi ke ku pa omuntu gwotango ngoka ta zi megumbo lyandje ta hambelele ndje mokugaluka kwandje.’

Jehova ota pulakene keu-vaneko lyaJefta note mu kwatha a sindane. Owa tseya mbela kutya olye ta zi mo tango okutsakaneka Jefta? Oye omwanakadhona epona lye. ‘Akutu, omumwandje!’ Jefta ti igidha. ‘Oto yematithile ndje shike ngeyi! Ihe ngame onda ninga euvaneko kuJehova, noitandi vulu oku li ningulula.’

Tango sho omwanakadhona gwaJefta tu uvu euvaneko lye, naye wo ota ye-mata. Oshoka otashi ti kutya ye oku na okuthiga po he nookuume ke. Ihe ye ota ka longela Jehova moshihupe sho-nkalamwenyo ye metsalihangano lye muSilo. Ano ye ota ti kuhe: ‘Ngele tate owa ninga euvaneko kuJehova, ou na oku li gwanitha.’

Ano omwanakadhona gwaJefta ota yi kuSilo, nota longele Jehova oshihupe shonkalamwenyo ye hoka ketsalihangano. Omasiku gane omvula kehe aakiintu yokuIsrael ohaa yi ye ke mu talele po hoka nohaa nya-nyukilwa pamwe naye. Oshi-gwana oshi hole omwa-nakadhona gwaJefta, oshoka ye omulongeli gwaJehova omwaanawa.

Aatokolihapu 10:6-18; 11:1-40.



Omapulo

  • Jefta oye lye, nopethimbo lini a li ko?
  • Jefta okwa li u uvanekele Jehova shike?
  • Omolwashike Jefta a li a nika oluhodhi sho a galukile kegumbo okuza kesindano okusinda Aayamoni?
  • Omwanakadhona gwaJefta okwa ti shike sho a li u uvu euvaneko lyahe?
  • Omolwashike aantu ya li ye hole omwanakadhona gwaJefta?

Omapulo ga gwedhwa po

  • Lesha Aatokolihapu 10:6-18.

    Elondodho lini tu na okupulakena kulyo mondjokonona yAaisrael yi na ko nasha nokwaahe na uudhiginini kwawo kuJehova? (Aatok. 10:6, 15, 16; Rom. 15:4; Eh. 2:10)

  • Lesha Aatokolihapu 11:1-11, 29-40.

    Otu shi shi ngiini kutya okugandja kwaJefta omwanakadhona e li “efikiloyambo” kakwa li taku ti oku mu yamba po momulilo e li eyambo lyopantu? (Aatok. 11:31, OB-1986; Lev. 16:24; Deut. 18:10, 12)

    Okomukalo guni Jefta a li a yamba po omwanakadhona eyambo?

    Oshike tatu vulu okwiilonga miikala yaJefta yi na ko nasha negano lye kuJehova? (Aatok. 11:35, 39; Omuuv. 5:3, 4 [5:4, 5, OB-1986]; Mat. 16:24)

    Omwanakadhona gwaJefta oku li ngiini oshiholelwa oshiwanawa kaagundjuka Aakriste mokulalakanena iilonga yethimbo lyu udha? (Aatok. 11:36; Mat. 6:33; Fil. 3:8)