Inda koshikalimo

Inda koshikalimo

Oonzapo dhaJehova

Hogolola elaka Oshindonga

Ehokololo 46: Omankolokuma gaJeriko

Ehokololo 46: Omankolokuma gaJeriko

OSHIKE tashi mbonyokelithitha mumwe omankolokuma ngaka gaJeriko? Otashi monika sha fa omboma onene ye ga mbomo. Ihe pethimbo ndyoka kapwa li oomboma; yo kaya li ye na nando odho oondjembo. Osho oshikumithalonga natango shaJehova! Natu tale nkene sha ningwa.

omankolokuma gaJeriko taga mbonyokele mumwe

Pulakena shoka Jehova ta lombwele Josua: ‘Ngoye naakwiita yoye omu na okudhingoloka oshilando. Dhingolokeni oshilando uule womasiku gahamano oshikando shimwe esiku kehe. Naya humbate oshiketha shehangano pamwe nane. Aasaaseri yaheyali ye na okweenda komeho notaa hiki omankuma gawo.

‘Esiku etiheyali mu na okudhingoloka oshilando lwiikando iheyali. Hikeni nduno olule omankuma naayehe nayu uve eigidho enene lyiita tali uyagana. Nomankolokuma otaga ka gwa po thiluthilu!’

Josua noshigwana otaa ningi shoka Jehova ta ti. Manga yo taa dhingoloka, ayehe oya mwena. Hagumwe ta tumbula oshitya. Ashihe shoka to vulu okuuva osho omawi gomankuma neinyengo lyoompadhi. Aatondi yoshigwana shaKalunga muJeriko oya li ya tila shili. Oto vulu mbela okumona ongodhi ndyoka ontiligane ndyoka ye endjelela pekende? Ekende olyalye? Eeno, Rahab okwa ningi shoka oondaadhi mbali dha ti. Uukwanezimo we auhe ou li puye meni taa tala.

Josua

Lwahugunina, esiku etiheyali, sho yo ya dhingoloka oshilando lwiikando iheyali, omankuma taga hikwa, aakwiita taa uyagana nomankolokuma otaga mbonyokele mumwe. Opo nduno Josua ota ti: ‘Dhipageni ayehe ye li moshilando nomu shi fike po. Fikeni ayihe. Hupitheni owala oshisiliveli, oshi-ngoli, oshikushu noshiyela, yi ga-ndjeni koshiketha sheliko shetsali lyaJehova.’

Koondaadhi mbali Josua ota ti: ‘Indeni kegumbo lyaRahab, mu eteni mo nuukwanezimo we auhe.’ Rahab nuukwanezimo we otaya hu-pithwa, ngaashi naanaa oondaadhi dhu uvaneke.

Josua 6:1-25.



Omapulo

  • Jehova okwa li a lombwele aalumentu mboka ya li taya kondjo nosho wo aasaaseri ya ninge shike uule womasiku gahamano?
  • Aalumentu mboka oya li ye na okuninga shike mesiku etiheyali?
  • Ngaashi u wete mefano moka, oshike sha li tashi ningilwa omankolokuma gaJeriko?
  • Omolwashike ongodhi ontiligane ye endjelela pekende?
  • Josua okwa li a lombwele aalumentu mboka ya li taya kondjo ya ningile shike oshigwana noshilando, ihe ongiini kombinga yoshisiliveli, oshingoli, oshiyela oshikushu noshiyela oshiluudhe?
  • Oondaadhi mbali odha li dha lombwelwa dhi ninge shike?

Omapulo ga gwedhwa po

  • Lesha Josua 6:1-25.

    Okumaatshinga kwAaisrael taya dhingoloka Jeriko mesiku etiheyali okwa faathana ngiini niilonga yokuuvitha yOonzapo dhaJehova momasiku ngaka gahugunina? (Jos. 6:15, 16; Jes. 60:22; Mat. 24:14; 1 Kor. 9:16)

    Ongiini ehunganeko lya nyolwa muJosua 6:26 lya li lya gwanithwa pwa pita oomvula 500 lwaampono, noshike shoka tashi tu longo kombinga yoohapu dhaJehova? (1 Aak. 16:34; Jes. 55:11)