Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Embo lyandje lyomahokololo gOmbiimbeli

Ehokololo 5: Onkalamwenyo Ondhigu Tayi Tameke

Ehokololo 5: Onkalamwenyo Ondhigu Tayi Tameke

PONDJE yoshikunino shaEden, Adam naEva oya li ye na omaupyakadhi ogendji. Yo oya li ye na okulonga nuudhigu omolwiikulya yawo. Pehala lyomiti dhiiyimati iiwanawa, oya mono omakwega noondjoho odhindji dha mena momudhingoloko gwawo. Osho shoka sha ningwa po sho Adam naEva inaaya vulika kuKalunga noya hulitha po okukala ookuume Ke.

Adam ta longo nomazigudhe nomwanamati

Ihe sha kwata miiti shi vule shika, Adam naEva oya tameke okusa. Dhimbulukwa, Kalunga okwe ya londodha kutya otaa ka sa shimpa ya li oshiyimati shomuti gwontumba. Ano esiku tuu ndyoka ya li kugwo, oya tameke okusa. Oya li ya nika uugoya ngiini okwaapulakena kuKalunga!

Aanona ayehe yaAdam naEva oya valwa konima sho Kalunga a tidha mo aakuluntu yawo moshikunino shaEden. Otashi ti kutya aanona oya li wo taa ka kulupa nokusa.

Andola Adam naEva oyo owala ya vulikile kuJehova, andola onkalamwenyo yawo noyaanona yawo oya ka kala nelago. Yo ayehe oya li taa vulu okukala sigo aluhe melago kombanda yevi. Hagumwe a li e na okukulupa, okweehama nokusa.

Kalunga okwa hala aantu ya kale nomwenyo sigo aluhe melago, Oye notu uvaneke kutya esiku limwe yo osho taa ka kala. Evi alihe halyo alike tali ka kala ewanawa, ihe aantu ayehe otaa ka kala ye na uukolele. Na kehe gumwe kombanda yevi ota ka kala kuumethana omwaanawa nakehe gumwe i ili nosho wo naKalunga.

Eva noyana

Ihe Eva ina kala we kuume kaKalunga. Ano sho ye a vala aanona ye, kasha li nando oshipu kuye. Osha li uuwehame. Okwaavulika kuJehova okwe mu etele lela uuthigwa owindji, hasho mbela?

Adam naEva oya li ye na aamati naakadhona oyendji. Sho okamati kawo kotango ka valwa, oye ka luku Kain. Okamati kawo okatiyali oye ka luku Abel. Oshike she ya ningilwa? Owe shi tseya?

Genesis 3:16-23; 4:1, 2; Ehololo 21:3, 4.



Omapulo

  • Onkalamwenyo pondje yoshikunino shaEden oya li ngiini kuAdam naEva?
  • Oshike sha li sha tameke okuningilwa Adam naEva, nomolwashike?
  • Omolwashike aanona yaAdam naEva ya li taya ka kulupa nokusa?
  • Ando Adam naEva oya vulikile kuJehova, ando onkalamwenyo oya kala ngiini kuyo nokaanona yawo?
  • Ongiini okwaavulika kwaEva kwa li kwe mu etele uuwehame?
  • Oyanamati yaali yotango yaAdam naEva oya li oolye?
  • Aanona yalwe mboka ye li methano oyo oolye?

Omapulo ga gwedhwa po

  • Lesha Genesis 3:16-23 nosho wo 4:1, 2.

    Ongiini onkalamwenyo yaAdam ya li ya gumwa kokuthingwa kwevi? (Gen. 3:17-19; Rom. 8:20, 22)

    Omolwashike edhina Eva ndyoka tali ti “Omunamwenyo,” lye eleka? (Gen. 3:20)

    Jehova okwa li e na ko nasha ngiini naAdam naEva nokuli nokonima sho ya yono? (Gen. 3:7, 21)

  • Lesha Ehololo 21:3, 4, OB-1986.

    Iinima yini “iikulu” wa halelela okumona tayi hulithwa po?