Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Okafo Onkalamwenyo yopaKriste niilonga yetu yokuuvitha  |  Novomba 2017

 ONKALAMWENYO YOPAKRISTE

Okuhwepopaleka uunkulungu wetu muukalele — Okuninga omaishunoko

Okuhwepopaleka uunkulungu wetu muukalele — Okuninga omaishunoko

OMOLWASHIKE SHA SIMANA?: Aantu oyendji mboka taya kongo oshili kombinga yaKalunga, ohayu ulike ohokwe metumwalaka lyUukwaniilwa. (Jes 55:6) Opo tu tsikile oku ya longa, otu na okukala hatu shuna kuyo lwiikando. Molwaashoka aantu oye na omaupyakadhi ga yoolokathana, otu na okukokeka ohokwe yawo momikalo dha yoolokathana. Ihe otatu ka pondola owala ngele otwi ilongekidhile nawa etalelopo kehe, tu na elalakano lyokutameka ekonakonombiimbeli.

NKENE TATU VULU OKU SHI NINGA:

  • Ninga oonkambadhala wu shune ko nziya, tashi vulika konima yomasiku omashona. — Mat 13:19

  • Popya nombili nonesimaneko. Kala wa ngungumana

  • Popitha omunegumbo nombili. Kala to tumbula edhina lye. Mu dhimbulukitha kutya omolwashike wa galuka. Otashi vulika wu tye owe ya okuyamukula epulo ndyoka a pulile, owe mu etela oshifo oshipe, owe ya oku mu ulukila epandja lyetu lyokointaneta, okavidio nenge nkene ekonakonombiimbeli hali ningwa. Ngele omunegumbo okwa popi oshinima shilwe shoka a hala mu kundathane, lundulukila kusho. — Fil 2:4

  • Tekela ombuto yoshili ndjoka ya kunwa momutima gwe moku mu leshela enyolo noto vulu oku mu thigila oshileshomwa. (1Kor 3:6) Kambadhala okupanga uukuume naye

  • Mu thigila shoka tamu ya mu kundathane oshikando tashi landula