Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkalamwenyo yopaKriste niilonga yetu yokuuvitha — Okafo kokulongithwa pokugongala  |  Kotoba 2017

 ONKALAMWENYO YOPAKRISTE

Hambelela Jehova sigo aluhe!

Hambelela Jehova sigo aluhe!

Omwenyo omagano ga dhenga mbanda. Omukalo moka hatu gu longitha esiku kehe, otagu ulike kutya otwe gu pandula shi thike peni. Tu li Oonzapo dhaJehova, ohatu longitha iipewa yetu nuunkulungu wetu tu simanekithe Jehova noku mu tanga, e li Omugandji gwomwenyo. (Eps 36:9; Eh 4:11) Ihe iimpwiyu yonkalamwenyo muuyuni mbuka wa kolokosha ohayi vulu oku tu nkundipaleka pambepo. (Mark 4:18, 19) Atuhe otwa pumbwa okwiipula ngeyi: ‘Ohandi pe ngaa Jehova shoka oshiwanaweelela? (Hos 14:2) Iilonga yandje oya guma ngiini okulongela Jehova? Omalalakano gopambepo geni ndi itulila po? Ongiini tandi vulu okutamununa mo uukalele wandje?’ Ngele owa pumbwa okuninga omalunduluko, galikana Jehova e ku kwathele, e to ga ningi. Okutanga Jehova esiku kehe otaku ku etele ombili nenyanyu monkalamwenyo. — Eps 61:8.

Oho simaneke lye noshipewa shoye?

TALA OKAVIDIO: LONGITHA OSHIPEWA SHOYE WU LONGELE JEHOVA, E TO YAMUKULA OMAPULO TAGA LANDULA:

  • Omolwashike sha nika uusama okulongitha oshipewa shoye muuyuni waSatana? (1Joh 2:17)

  • Mboka haya gandja shoka oshiwanaweelela kuJehova ohaya mono omayambeko geni?

  • Omiilonga yini iiyapuki to vulu okulongitha oshipewa nuunkulungu woye?