Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Okafo Onkalamwenyo yopaKriste niilonga yetu yokuuvitha  |  Kotoba 2017

 ONKALAMWENYO YOPAKRISTE

Nkene to vulu okukala ho konakona Ombiimbeli nuukeka

Nkene to vulu okukala ho konakona Ombiimbeli nuukeka

Mbela owa hala okukala omudhiginini uuna to makelwa wa fa Daniel? Daniel okwa li ha konakona nuukeka Oohapu dhaKalunga, mwa kwatelwa omahunganeko gomuule. (Dan 9:2) Okukonakona Ombiimbeli nuukeka otaku vulu oku ku kwathela wu kale omudhiginini. Ngiini mbela? Otaku vulu okukoleka eitaalo lyoye kutya Jehova ota ka gwanitha shili omauvaneko ge. (Jos 23:14) Otaku vulu wo okukokeka ohole yoye yokuhola Kalunga, ndjoka tayi ke ku inyengitha wu longe shoka shi li mondjila. (Eps 97:10) Owu na oku shi enda ngiini? Tala komaetopo taga landula.

  • Oshike ndi na okukonakona? Oto vulu okwiilongekidhila okugongala kehe. Elesho lyOmbiimbeli lyokoshiwike otali kala tali ti sha, ngele oto kongo uuyelele wiitsa mbyono kuu uvite. Yamwe ohaya konakona omahunganeko gOmbiimbeli, iiyimati yombepo yaKalunga, omalweendo guutumwa gomuyapostoli Paulus nenge eshito lyaJehova. Ngele owa dhiladhila epulo lyontumba lyopaMbiimbeli mesiku, li nyola e to ke li konakona pekonakono lyoye tali landula.

  • Openi tandi adha uuyelele? Tala okavidio: Iilongitho yokukonakona omaliko gopambepo muule wu mone uuyelele. Opo wu ilonge nkene wu na oku shi ninga, konga uuyelele kombinga yomapangelo omanankondo guuyuni ngoka taga thanekwa koshilikama shoka sha popiwa muDaniel ontopolwa 7.

  • Ethimbo li thike peni ndi na okulongitha? Okukonakona pandjigilile ohaku tu kwathele tu kale tu na ekwatathano ewanawa naJehova. Petameko oto vulu okukala ho longitha ethimbo efupi, nokonima to kala ho shi ningi ethimbo ele. Okukonakona Oohapu dhaKalunga okwa fa okufula eliko lya holekwa; shi thike mpoka to li mono olindji, opo pu thike to kala wa hala oku li konga. (Omayel 2:3-6) Oto ka kala aluhe wa hala okukonakona Oohapu dhaKalunga. — 1Pet 2:2.

IILIKAMA YOMEHUNGANEKO LYADANIEL ONTOPOLWA 7 OTAYI THANEKE SHIKE?

EPULO LYA GWEDHWA PO:

Ehunganeko ndyoka li li muDaniel 7:8, 24 olya gwanithwa ngiini?

KONAKONA KUTYA:

Iilikama yomEhololo ontopolwa 13 otayi thaneke shike?