Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkalamwenyo yopaKriste niilonga yetu yokuuvitha — Okafo kokulongithwa pokugongala  |  Desemba 2016

 OMALIKO OKUZA MOOHAPU DHAKALUNGA

“Otandi yi! Tuma ndje!”

“Otandi yi! Tuma ndje!”

Jesaja okwe tu tulila po oshiholelwa oshiwanawa shokukala nehalo lyokulongela Jehova. Oku ulike kutya oku na eitaalo. Okwa li wo i iyamba nziya a ka longe hoka ku na ompumbwe, nonando ka li e shi ashihe shoka sha kwatelwa mo. (Jes 6:8) Mbela oto vulu okuninga po sha, opo wu ka longe hoka ku na ompumbwe onene yaauvithi yUukwaniilwa? (Eps 110:3) Manga inoo ninga etokolo, owa pumbwa wu “yalule” kutya etembu lya tya ngawo otali “pula shi thike peni.” (Luk 14:27, 28) Nonando ongawo, kala wu na ehalo lyokuninga omaiyambo, omolwiilonga yokuuvitha. (Mat 8:20; Mark 10:28-30) Ngaashi shu ulikwa mokavidio: Otwa tembukile hoka ku na ompumbwe onene yaauvithi, omayambeko ngoka tatu ka mona miilonga yaJehova, oga pitilila po pomaiyambo kehe tatu ningi.

KONIMA YOKUTALA OKAVIDIO, YAMUKULA OMAPULO TAGA LANDULA:

  • Iilyo yuukwanegumbo womumwatate Williams, oya li ya ningi omaiyambo geni gopaumwene, opo ya ka longele koEcuador?

  • Sho taya hogolola hoka taya ka longela, oya li ya tala kiinima yini?

  • Omalaleko nuuyamba geni ya mono?

  • Openi to vulu okumona uuyelele wa gwedhwa po kombinga yoku ka longela hoka ku na ompumbwe onene yaauvithi?

PELONGELOKALUNGA LYENI LYUUKWANEGUMBO TALI LANDULA, KUNDATHANENI OMAPULO NGAKA:

  • Ongiini tatu vulu okutamununa mo uukalele wetu tu li uukwanegumbo? (km 8/11 ep. 4-6)

  • Ngele itatu vulu oku ka longa hoka ku na ompumbwe onene, omomikalo dhini tatu vulu okukwathela megongalo lyetu? (w16.03 ep. 3-5)