Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkalamwenyo yopaKriste niilonga yetu yokuuvitha — Okafo kokulongithwa pokugongala  |  Auguste 2017

 ONKALAMWENYO YOPAKRISTE

Uunake ishewe nda hala okukutha uukwathelikokolindjila?

Uunake ishewe nda hala okukutha uukwathelikokolindjila?

Emoniko lyotempeli ndyoka Hesekiel a mono otali holola kutya oshigwana shaJehova otashi ka gandja omayambo nehalo ewanawa. Ongiini tatu vulu okugandja omahambelelondjambo? — Heb 13:15, 16.

Omukalo gumwe gwa dhenga mbanda moka tatu vulu oku shi ninga, omokukutha uukwathelikokolindjila. Momumvo gwiilonga 2018 omu na oomwedhi odhindji dhi na Oolyomakaya nenge Oosoondaha ntano. Shika otashi ka kwathela unene mboka haya yi kiilonga esiku kehe nolundji ohaya yi owala muukalele momahuliloshiwike. Aauvithi otaya vulu natango okuhogolola ya longe oowili 30 nenge 50 muMaalitsa nomuApilili nosho wo momwedhi moka omutonateli ta talele po egongalo lyawo.

Ongiini ngele onkalo itayi shi pitike tu kuthe uukwathelikokolindjila? Otatu vulu okuninga oonkambadhala tu hwepopaleke uukalele wetu, notu longe oowili dhi vulithe pwaandhoka hatu longo shito. Kutya nduno onkalo oyi li ngiini, ohole yetu yokuhola Jehova nayi tu inyengithe tu mu pe shoka oshiwanawaelela momumvo gwiilonga 2018. — Hos 14:2.

Ongiini tandi vulu okukala omulaadhi ngaashi Sabina Hernández?

TALA OKAVIDIO: OTANDI VULU OKUNINGA OSHINDJI KEKWATHO LYAJEHOVA, E TO YAMUKULA OMAPULO TAGA LANDULA:

  • Oshike hashi inyengitha Sabina a longele Jehova nuudhiginini?

  • Oshiholelwa shaSabina otashi ku kumike ngiini?

  • Omomwedhi guni wa hala okukutha uukwathelikokolindjila momumvo gwiilonga 2018?