Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo  |  Septemba 2015

Omapulo gopaMbiimbeli taga yamukulwa

Omapulo gopaMbiimbeli taga yamukulwa

Uukolokoshi owa tamekele peni?

Olye a li ta kambadhala okupukitha Jesus? —  Mateus 4:8-10

Aantu oyendji oya hala okukala aanambili, aayuuki naanahenda. Omolwashike nduno olundji hatu mono elongithonkondo, okwaahenuuyuuki nosho wo aantu taya ningwa onyanya? Oonkundana tadhi halutha ohadhi uvika kehe pamwe nodha ha kunena. Mbela opu na gumwe ngoka ta hwahwameke aantu ya ninge iinima iiwinayi? —  Lesha 1 Johannes 5:19.

Mbela Kalunga oye a shita aantu nomadhiladhilo omawinayi? Hasho nando. Jehova Kalunga okwa shita aantu oshifetha she. Okwe ya shita ya holele uukwatya we wohole. (Genesis 1:27; Job 34:10) Okwe ya pa wo emanguluko lyokuninga omatokolo. Sho aavali yetu yotango ya hogolola okulonga uuwinayi, oye etha okulandula oshiholelwa shaKalunga e taya ningi aalunde. Onkee ano, otwa thigulula uulunde kuyo. —  Lesha Deuteronomium 32:4, 5.

Uuwinayi mbela opo tawu kala sigo aluhe?

Kalunga okwa hala tu ethe po iikala yetu iiwinayi. (Omayeletumbulo 27:11) Onkee ano, ote tu longo nkene tu na okuhenuka okulonga uuwinayi nonkene tu na okumona enyanyu lyashili. Ihe mongashingeyi itatu vulu okuholela ohole yaKalunga thiluthilu. —  Lesha Episalomi 32:8.

Nonando uuwinayi owi ihanena apuhe kunena, Kalunga okwe wu etha owala wu kale po uule wokathimbo, opo aantu ayehe ya mone iilanduliko yuuwinayi yinikitha oluhodhi. (2 Petrus 3:7-9) Ihe masiku evi otali ka kala lyu udha aantu aanambili mboka haya vulika kuKalunga. —  Lesha Episalomi 37:9-11.