Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo  |  Mei 2015

Omapulo gopaMbiimbeli taga yamukulwa

Omapulo gopaMbiimbeli taga yamukulwa

Omolwashike hatu dhimbulukwa eso lyaJesus?

Eso lyaJesus olye tu etela onakuyiwa yini? — Jesaja 25:8; 33:24

Eso lyaJesus olya li oshiningwanima sha simanenena mondjokonona, okwa si opo a galulile onkalamwenyo yaantu yi kale ngaashi ya li pontsapo. Aantu ka ya li ya shitwa negamo lyokulonga iinima iiwinayi, haye ehama nenge haya si. (Genesis 1: 31) Ihe uulunde owe ya muuyuni okupitila momuntu gwotango, Adam. Jesus okwa gandja omwenyo gwe e tu hupithe muulunde nomeso. — Lesha Mateus 20:28; Aaroma 6:23.

Kalunga oku ulike ohole yashili sho a tumu omwana gwe kombanda yevi e tu sile. (1 Johannes 4:9, 10) Jesus okwa lombwele aalanduli ye ya dhimbulukwe eso lye taya longitha oshikwiila nomaviinu. Oku shi ninga omumvo kehe, ogwo omukalo gwokuulika olupandu lwohole ndjoka Kalunga naJesus ye tu ulukila. — Lesha Lukas 22:19, 20.

Oolye ye na okulya oshikwiila nokunwa omaviinu?

Sho Jesus a lombwele tango aalongwa ye ya dhimbulukwe eso lye, okwa popi kombinga yehangano nenge euvathano. (Mateus 26:26-28) Oshe ya pe etegameno nosho wo aantu yalwe yomwaalu gwa ngambekwa ya ninge aakwaniilwa naayambi pamwe naye megulu. Nonando aantu omamiliyona ohaya dhimbulukwa eso lyaJesus, mboka haya li oshikwiila nokunwa omaviinu oyo mboka owala ye li mehangano ndyoka. — Lesha Ehololo 5:10.

Konyala uule womimvo 2000 nasha, Jehova okwa kala nokuhogolola mboka taya ka kala aakwaniilwa. (Lukas 12:32) Omwaalu gwawo omushona okuyelekanitha naamboka taya ka kala nomwenyo sigo aluhe kombanda yevi. — Lesha Ehololo 7:4, 9, 17.

 

Tseya oshindji

KOMBINGA YETU

Edhimbuluko lyeso lyaJesus

Omumvo kehe aantu omamiliona ohaya gongala ya kuthe ombinga moshituthidhimuluko sheso lyaJesus. Oto hiywa wu ye wu ilonge nkene oshiningwanima shika she ku guma.

Omalongo gashili gOmbiimbeli ogeni naanaa?

Ekulilo olyo omagano ge li dhingi ga za kuKalunga

Ekulilo oshike? Ongiini to vulu okumona mo uuwanawa mulyo?