Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo  |  Mei 2015

 IITOPOLWA YI IKOLELELA KOSHIPALANYOLO SHOKOMBANDA | JESUS OKWA HUPITHA AANTU KUSHIKE?

Omolwashike twa pumbwa ehupitho?

Omolwashike twa pumbwa ehupitho?

Ombiimbeli otayi ti: “Omuntu a valwa komukiintu omasiku ge omafupi nogu udha uupyakadhi. Ota hapa ongongala nota ganya; okwa fa omuzizimba tagu matuka nota kana po.” —  Job 14:1, 2.

Okuza konale, aantu oya kala nokwiipula shoka taya vulu okuninga po ya kale aagundjuka, noye na uukolele sigo aluhe. Ihe nonando ongawo, atuheni ohatu si. Oohapu dhaJob ndhoka dha popiwa metetekelo, otadhi gwanithwa nokunena, nonando odha popilwe nale pwa pita oomvula 3 000 nasha.

Aantu muuyuni awuhe oye na ehalo enene lyokukala nomwenyo sigo aluhe. Ombiimbeli otayi tu lombwele kutya Kalunga okwa shitila uukwaaluhe moomwenyo dhetu. (Omuuvithi 3:11) Ngele osho shi li ngawo, mbela Kalunga omunahole, ota ka shitila ngaa mutse ehalo ndyoka itaali vulu okugwanithwa po? Ngele oto ti aawe, nena owu li mondjila. Oohapu dhaKalunga otadhi popi kutya “omutondi gwahugunina e na okusindwa, oye eso.” — 1 Aakorinto 15:26.

Kapu na omalimbililo kutya eso oli li omutondi. Kapu na omuntu e li nawa pamadhiladhilo ta ka kala a hala okusa. Uuna tu wete oshiponga ohatu holama nenge tu fadhuke po. Uuna twa kwatwa kuuwehame, ohatu ningi oonkambadhala dhontumba, opo tu aluke. Ohatu ningi kehe shimwe tatu vulu, opo tu yande iinima mbyoka tayi vulu oku tu dhipaga.

Mbela opu na etompelo lyontumba tatu vulu okwiitaala kutya omutondi nguka omukulukulu ota ka hanagulwa po? Eeno, opo li li. Jehova Kalunga, Omushiti, ina shita owala aantu ya kale nomwenyo oomvula oonshona e taya si. Eso lyaantu kalya li elalakano lye lyopetameko. Okwa li a hala aantu ya kale nomwenyo sigo aluhe kombanda yevi, naashoka a lalakanena, ohe shi gwanitha po. —  Jesaja 55:11.

Eso otali ka hulithwa po ngiini? Aantu oya kala taya kambadhala oku li hulitha po, ihe inaya pondola. Nokunena ongashikwawo. Aanongononi oya nduluka po ootuntila nomiti dhokukondjitha omikithi dhimwepo. Oya kala nokukonakona oocell dhiinima ayihe yi na omwenyo. Miilongo oyindji kunena aantu ohaya kala nomwenyo ethimbo ele, shi vulithe oomvula ethele dha ka pita. Ihe nando ongawo, inaku vulwa okuyiwa popepi nokuhulitha po eso. Ngaashi Ombiimbeli tayi ti, ‘ayihe otayi galukile montsi yevi.’ —  Omuuvithi 3:20.

Onkundana ombwanawa oyo ndjika kutya inatu pumbwa okwiigameka kuunongo wopantu moshinima shika. Aantu itaya vulu okukandula po uupyakadhi mbuka wa za nalenale. Jehova Kalunga okwa ninga po elongekidho tu hupithwe meso, na Jesus Kristus oye omuhupithi gwetu.