Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo (yokukonakonwa)  |  Desemba 2014

Oto dhimbulukwa?

Oto dhimbulukwa?

Owa lesha ngaa nawa iifo yOshungolangelo mbyoka opo ya zi ko? Tala ngele oto vulu okuyamukula omapulo taga landula:

Ombiimbeli oya pitika ngaa Aakriste ya fike po omidhimba?

Kutya nduno omuntu okwa hala olutu lwe lu fikwe po ngele a si nenge hasho, ndika etokolo lye mwene. Nonando Ombiimbeli inayi popya sha kondandalunde kombinga yaashika, oya popya kombinga yomudhimba gwomukwaniilwa Saul nogwomwana Jonatan ndhoka dha fikwa po, omasipa gawo e taga fumvikwa. (1 Sam. 31:2, 8-13) —  6/15, epandja 7.

Ongiini wu na okupopya nomumwoye gwoomvula omulongo nasha itoo nyenyeta?

Dhimbulukwa kutya omugundjuka otashi vulika ti ilongo nkene e na okutompathana notashi vulika ini itula mo mwaashoka ta popi. Pehala lyokunyenyeta naye, endulula owala shoka a popi. Gongaleni mu kundathane kombinga yethimbo ndyoka wa hala omumwoye a kale he ya megumbo kongulohi noyoompango dhilwe dhomegumbo. —  1/1, epandja 8-10.

Mboka haya ka uvitha kiilongo hoka ku na ompumbwe ohaya tsakaneke omashongo geni?

Omashongo gatatu ogo (1) iikala yaantu, (2) ondjuulukwe nosho wo (3) okupanga uukuume. Aantu oyendji mboka ya sinda omashongo ngaka, oya li ya yambekwa noonkondo. —  7/15, epandja 4-5.

Mbela eso olyo ehulilo?

Omayumuko ngoka ga li ga ningwa kuJesus oga gandja uunzapo wa yela kutya Kalunga okwa pa Jesus oonkondo dhokupangela eso. Ombiimbeli oya popi nokuli kutya Jesus oku na “iipatululo yeso.” (Eh. 1:18, OB-1954) Onkee ano, Jesus ota ka patulula omiyelo dhoombila, ngaashi owala a li a gandja elombwelo opo emanya lyopombila yaLasarus li undulwe po. —  3/1, epandja 6-7.

Omolwashike oshipu okulongitha uufo wetu uupe momapya?

Uufo awuhe uupe owa nyolwa momukalo gwa faathana. Okafo kehe oke na enyolo tali opalele ndyoka tatu vulu okuleshela omunegumbo e tatu mu pula epulo. Kutya nee omunegumbo okwa yamukula ngiini, otatu vulu okupenuna okafo noku mu ulukila shoka Ombiimbeli tayi ti. Otatu vulu wo oku mu pula epulo ndyoka tatu ya tu kundathane oshikando tashi ya. —  8/15, epandja 13-14.

Iinima yini itatu tayi vulu okukwathela omuntu a kondjithe omamakelo?

Oonkatu ndatu odho: Onkatu yo-1: Gamena omeho goye, Onkatu onti-2: Gamena omadhiladhilo goye nonkatu onti-3: Kotokela oonkatu dhoye. Uuna wa kakatele uudhiginini woye nokukondjitha emakelo, oto vulu okukala wu na uushili kutya Kalunga ota ka kala wo e ku nyanyukilwa! (Omayel. 27:11) —  5/1, epandja 12-14.

Aavali Aakriste otaya vulu okuninga shike opo ya tonatele oyana?

Opo aavali ya tseye oyana, oye na okupulakena kuyo. Longa nuudhiginini wu ya palule pambepo. Ya wilika nohole. Pashiholelwa, ngaashi uuna ya limbililwa oshili. —  9/15, epandja 18-21.

Kalunga okwa tala ko ngiini okuhila omakaya?

Jehova Kalunga ote tu longo mOohapu dhe, Ombiimbeli, kutya otwa pumbwa okukala netaloko ewanawa li na ko nasha nonkalamwenyo yetu, nomalutu getu noondunge dhetu. Osha yela kutya Kalunga okwa hala tu longithe onkalamwenyo yetu nomalutu getu nawa. Okwa hala wo tu kale twe ga simaneka. (2 Kor. 7:1) —  7/1, epandja 4-6.

Ehangano lini lya popiwa mOmbiimbeli ndyoka tali popi kutya aantu yamwe otaya ka pangela pamwe naKristus?

Sho Jesus a dhana Opaasa yahugunina naayapostoli ye, okwa ningi ehangano naalongwa ye aadhiginini ndyoka hali ithanwa ehangano lyUukwaniilwa. (Luk. 22:28-30) Ehangano ndika otali ya shilipaleke kutya otaya ka pangela megulu pamwe naJesus. —  10/15, epandja 16-17.

Olye a shita Kalunga?

Oko a kala manga kaakwa li nando iishitwa iinandunge, ngaashi Omwana awike nosho wo aayengeli. (Job 38:4, 7; Kol. 1:15) Osha yela kutya oye awike a kala ko okuza petameko. Ina shitwa, oshoka kakwa li sha shoka tashi vulu oku mu shita. —  9/1, epandja 15.

Oolye ya li “oshigwana hashi ithanwa nedhina lye” (NW) shoka sha popiwa kuJakob mIilonga 15:14?

Mbaka oya li ooitaali Aajuda naamboka yomiigwana, mboka Kalunga a hogolola ya ninge oshigwana she shi “hokolole iilonga ye iinene.” (1 Pet. 2:9, 10) —  11/15, epandja 24-25.