Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo (yokukonakonwa)  |  Maalitsa 2014

Shoka tashi tu kwathele kaatu kanithe ombepo yeiyambo

Shoka tashi tu kwathele kaatu kanithe ombepo yeiyambo

“Ngele ku na ngoka, a hala okulandula ndje, oye ni idhimbwe ye mwene.” — MAT. 16:24.

1. Ongiini Jesus e tu tulila po oshiholelwa sha gwanenena shombepo yeiyambo?

SHO Jesus a li kombanda yevi, okwa li a tula po oshiholelwa sha gwanenena shombepo yeiyambo. Ina landula omahalo ge mwene nuuwanawa we mwene opo a longe ehalo lyaKalunga. (Joh. 5:30) Sho a kakatele uudhiginini we sigo omeso komuti gwomahepeko, okwa li u ulike kutya ombepo ye yeiyambo kayi na ongamba. — Fil. 2:8.

2. Ongiini tatu vulu okuulika ombepo yeiyambo, nomolwashike tu na oku shi ninga?

2 Tu li aalanduli yaJesus, natse wo otwa pumbwa okuulika ombepo yeiyambo. Okukala nombepo yeiyambo otaku ti shike? Oku shi popya paunathangwa, otaku ti kutya omuntu oha kala e na ehalo lyokweetha po shoka e hole, opo a kwathele yalwe, sha hala okutya ke na ombepo yokwiihola mwene. (Lesha Mateus 16:24.) Ombepo yokwaaihola mwene otayi vulu oku tu kwathela kaatu pitithe omaiyuvo getu komeho nosho wo shoka twa hala komeho gomaiyuvo gayalwe. (Fil. 2:3, 4) Nokuli, Jesus okwa li a longo kutya ombepo yokwaaihola mwene oyi li yimwe yomiinima mbyoka ya simanenena mokulongela Kalunga kwetu. Ngiini mbela? Ohole yopaKriste, ndjoka hayi inyengitha omuntu a kale e na ombepo yeiyambo, oyo hayi ndhindhilikitha mo aalanduli yaJesus yashili. (Joh. 13:34, 35) Dhiladhila wo komalaleko nuuyamba ngoka hatu nyanyukilwa sho tu li oshitopolwa shuumwayinathana womuuyuni awuhe mboka wu na ombepo yeiyambo.

3. Oshike tashi vulu okunkundipaleka ombepo yetu yeiyambo?

3 Ihe nonando oongawo, otwa taalela omutondi ngoka ha  nkundipaleke ombepo yetu yeiyambo kashona nakashona. Egamo lyetu lyokwiihola mwene olyo omutondi ngoka. Dhimbulukwa nkene Adam naEva ya li yu ulike iikala yokwiihola mwene. Eva okwa li i inyengithwa kokwiihola mwene opo a kale a hala okukala a fa Kalunga. Omusamane gwe okwa li u ulike iikala yokwiihola mwene opo a nyanyudhe Eva. (Gen. 3:5, 6) Konima sho ya gamuna ko Adam naEva kelongelokalunga lyashili, Ondiapoli oya li ya tsikile okuningitha aantu ya kale yi ihole yo yene. Oya li nokuli ya kambadhala omukalo ngoka sho ya li tayi makele Jesus. (Mat. 4:1-9) Pethimbo lyetu, Satana okwa tompola okupukitha aantu oyendji, e ya ningitha ya kale yi ihole. Shika otashi pula tu gandje eitulomo kusho molwaashoka ombepo yokwiihola mwene otayi vulu oku tu nwetha mo. — Ef. 2:2.

4. (a) Mbela otatu vulu ngaa okukeelala ngashingeyi iikala yokwiihola mwene? Shi yelitha. (b) Otatu ka konakona omapulo geni?

4 Okwiihola mwene otaku vulu okuyelekanithwa nolusu ndjoka hayi ningi koshitenda. Uuna oshitenda sha dhengwa konkalo yombepo yontumba, ohashi vulika shi tameke okuninga olusu. Oshiponga sho shene ohashi kala po ngele omuntu okwe ethele ko olusu koshitenda sigo ye shi ningitha shi teke nenge kaashi longe we. Sha faathana, nonando itatu vulu okukutha po ngashingeyi okwaagwanenena kwetu nosho wo egamo lyetu lyokwiihola mwene, otu na okukala twa takamitha oshiponga shoka hashi etwa kiinima mbyoka nokutsikila okukondjitha omagamo ngoka. (1 Kor. 9:26, 27) Ongiini tatu vulu okudhimbulula mo omandhindhiliko ngoka tagu ulike kutya otu na ombepo yokwiihola mwene? Nongiini tatu vulu okukokeka ombepo yeiyambo shi vulithe shito?

LONGITHA OMBIIMBELI WU TALE NGELE OWI IHOLE MWENE

5. (a) Ongiini Ombiimbeli ya fa oshitalelo? (Tala kethano ndyoka li li petameko.) (b) Uuna tatu ikonakona tu mone ngele otu na iikala yokwiihola mwene, oshike tu na okuyanda?

5 Ngaashi owala hatu vulu okulongitha oshitalelo tu tale kutya otu li ngiini, otatu vulu wo okulongitha Ombiimbeli tu konakone uukwatya wetu womeni nokupukulula kehe shimwe shoka kaashi li nawa tashi vulika tu kale tu na. (Lesha Jakob 1:22-25.) Ihe oshitalelo otashi ke tu kwathela owala tu imone nawa ngele otwe shi longitha nawa. Pashiholelwa, ngele otwe enditha mo owala omeho, otashi vulika kaatu mone okayala okashona, hoka ki iwetikile. Nenge ngele ohatu tala moshitalelo tu li kokule nasho, otashi vulika tu mone mo gulwe. Sha faathana, opo tu longithe Ombiimbeli tu mone uukwatya ngaashi wokwiihola mwene, otu na okuninga oshindji shi vulithe owala poku yi lesha tatu endelele nenge tu yi longithe tu mone omapuko gagulwe.

6. Ongiini ihaatu ‘dhimbwa’ ompango ya gwanenena?

6 Opo tu shi thaneke, otashi vulika tu kale hatu lesha Oohapu dhaKalunga pandjigilile, tashi vulika nokuli esiku kehe, ihe otashi vulika kaatu mone iikala yokwiihola mwene mbyoka tayi koko mutse. Ongiini shoka tashi vulika? Natu tale kwaashika: Moshiholelwa shaJakob shoshitalelo, uupyakadhi kawa li kutya omulumentu ini itala nawa. Jakob okwa nyola a ti kutya omulumentu ‘okwi imono.’ Menyolo ndika, Jakob okwa longitha oshitya shOshigreka shoka tashi ulike kutya okwiikonakona nawanawa nenge okwiitala nawanawa. Onkee ano moshinima shika, omulumentu okwa li e na uupyakadhi washike? Jakob okwa tsikile ko ta ti: “Sho a zi po pusho, mbalambala ota dhimbwa kutya okwa tya ngiini.” Eeno shili, okwa zi po poshitalelo inaa pukulula mpoka kaapu li nawa. Pehala lyaashoka, omuntu omunelago ihi ‘italele owala mompango ya gwanenena’ ihe ‘ihe yi dhimbwa’ wo. Pehala lyokweetha ompango ndjoka ya gwanenena yOohapu dhaKalunga, oha kala muyo mokulandula omalongo gayo. Jesus okwa li a popi oshinima sha faathana sho a ti: “Ngele tamu vulika koohapu dhandje, nena kapu na omalimbililo, one aalongwa yandje.” — Joh. 8:31.

7. Ongiini tatu vulu okulongitha Ombiimbeli tu tale ngele otu na iikala yokwiihola mwene?

7 Onkee ano, opo wu pondole mokukondjitha egamo ndyoka lyokwiihola mwene, owu na okulesha tango Oohapu dhaKalunga nuukeka. Shoka  otashi vulu oku ku kwathela wu mone iinima mbyoka wa pumbwa okugandja eitulomo kuyo. Ihe owa pumbwa okuninga oshindji shi vulithe pwaashoka. Ninga ekonakono lyomuule mokuninga omapekapeko. Uuna to lesha ehokololo lyontumba mOmbiimbeli, kala wa fa opo wu li sho shoka tashi ningwa mokwiipula omapulo ngaka taga landula: ‘Andola ongame nda li monkalo ndjika andola onda ningi po shike? Mbela andola onda katuka ngaa mondjila shili?’ Shoka sha simanenena osho kutya, konima ngele wa tedhatedha kwaashoka wa lesha, kambadhala oku shi tula miilonga. (Mat. 7:24, 25) Natu ka tale nkene tatu vulu okulongitha ehokololo lyomukwaniilwa Saul nolyomuyapostoli Petrus ge tu kwathele kaatu kanithe ombepo yetu yeiyambo.

ILONGA KOSHIHOLELWA SHOMUKWANIILWA SAUL SHOKA SHI LI ELONDODHO

8. Saul okwa li a tameke okupangela niikala yini, nongiini a li e shi ulike?

8 Omukwaniilwa Saul oku li oshiholelwa kutse shankene okwiihola mwene taku vulu okukutha po ombepo yetu yeiyambo. Saul okwa li a tameke okupangela kwe e na eifupipiko. (1 Sam. 9:21) Okwa li a tindi okugeela Aaisraeli mboka ya li ye li ompinge nuukwaniilwa we, nokuli nando okwa li ta vulu okukala u uvite kutya oshi li pauyuuki okupopila ondondo ye ndjoka a pewa kuKalunga. (1 Sam. 10:27) Omukwaniilwa Saul okwa li a taamba ko ewiliko lyombepo yaKalunga mokukwatela komeho Israeli molugodhi moka ya li ya sindi Aayammoni. Konima okwa li u ulike neifupipiko kutya oya sindana omolwaJehova. — 1 Sam. 11:6, 11-13.

9. Ongiini Saul a li a kokeke ombepo yokwiihola mwene?

9 Konima yaashono, Saul okwa li e etha iikala yookwiihola mwene nosho wo uuntsa yi koke muye ngaashi olusu. Sho a li a sindi Aayamaleki molugodhi, okwa li a pititha komeho omahalo ge mwene pehala lyokuvulika kuJehova. Omolwolwiho, Saul okwa li i ikuthile iinima yAayamaleki pehala lyoku yi hanagula po ngaashi Kalunga e mu lombwele. Nokwa li i itungile ondhimbulutho nuuntsa. (1 Sam. 15:3, 9, 12) Sho omupulofeti Samuel e mu lombwele kutya Jehova ina panda shoka a ningi, Saul okwa kambadhala okwiiyukipalitha mokuukitha eitulomo koshitopolwa shimwe shoshipango shaKalunga kutya okwa vulika nomokupa yalwe uusama omolwepuko lye. (1 Sam. 15:16-21) Shimwe ishewe, uuntsa owa li wa ningitha Saul a kale ti ipula nokwiimonikitha kaantu kutya ina ninga sha pehala lyokunyanyudha Kalunga. (1 Sam. 15:30) Ongiini tatu vulu okulongitha oshiholelwa shaSaul shi li ngaashi oshitalelo shi tu kwathele kaatu kanithe ombepo yeiyambo?

10, 11. (a) Oshimoniwa shaSaul otashi tu longo shike kombinga yokwaakanitha ombepo yeiyambo? (b) Ongiini tatu vulu okuhenuka ondjila ombwinayi yaSaul?

10 Shotango, oshimoniwa shaSaul otashi ulike kutya itatu ka kala tatu dhiladhila kutya ngele otwa li nale tu na ombepo yeiyambo osho owala tatu tsikile okukala ngaaka. (1 Tim. 4:10) Natu dhimbulukwe kutya Saul okwa li a longo iilonga iiwanawa nokwa li a hokiwa kuKalunga pompito yimwe, ihe ka li a vudha mo iikala yokwiihola mwene mbyoka ya li ye ya muye. Hugunina Jehova okwa li e ekelehi Saul omolwokwaahavulika kwe.

11 Oshitiyali, otu na okutala wo mpoka itaatu shi enditha nawa monkalamwenyo yetu, pehala owala lyokudhiladhila mpoka tatu shi enditha nawa. Shika otashi ka kala sha fa tatu longitha oshitalelo tu itale nkene two opala moonguwo dhetu oompe omanga kaatu wete ekako ndyoka li li miipala yetu. Nokuli nando otashi vulika kaatu kale tu ukitha eitulomo unene kutse yene ngaashi Saul a li a ningi, osha yela kutya otu na okulonga nuudhiginini tu henuke egamo kehe ndyoka tali vulu oku tu fala mondjila ya faathana ya puka. Uuna twa pewa omayele, inatu iyukipalitha, inatu shonopeka uupyakadhi mboka, nenge tu pe yalwe uusama. Pehala lyokukala twa fa Saul, oshi li nawa unene tu kale hatu taamba ko omayele nuupu. — Lesha Episalomi 141:5.

12. Ombepo yeiyambo otayi ke tu kwathela ngiini ngele otwa yono eyono lya kwata miiti?

12 Ihe ongiini ngele otwa yono eyono lya kwata miiti? Saul ka li a hala edhina lye li nyate, naashika osha li she mu ningitha kaa aluke pambepo. Mepingathano naashono, ombepo yeiyambo  otayi ke tu kwathela kaatu kale twa sa ohoni notu mone ekwatho ndyoka lya pumbiwa. (Omayel. 28:13; Jak. 5:14-16) Pashiholelwa, omumwatate gumwe okwa li a tameke okutala omathano giipala sho e na oomvula 12, nokwa li a tsikile okuninga ngaaka meholamo uule woomvula dhi vulithe pomulongo. Ota ti: “Osha li oshidhigu kungame ndi lombwele omukulukadhi gwandje nosho wo aakuluntugongalo shoka nda kala te ningi. Ihe ngashingeyi sho nde shi popi, ondu uvite omutengi omudhigu gwa kuthwa ko komapepe gandje. Ookuume kandje yamwe oya li yu uva nayi sho nda kanitha uuthembahenda wandje wokukala omuyakuligongalo, yu uvite nde ya yemateka. Ihe ondi shi shi kutya Jehova okwa nyanyukilwa iilonga yandje ngashingeyi shi vulithe nale sho nda li handi tala omathano giipala, netaloko lye olyo unene oshinima sha simana.”

PETRUS OKWA LI A SINDI IIKALA YOKWIIHOLA MWENE

13, 14. Petrus okwa li u ulike ngiini egamo lyokwiihola mwene?

13 Omuyapostoli Petrus okwa li u ulike ombepo yeiyambo sho a li ta dheulwa kuJesus. (Luk. 5:3-11) Ihe okwa li e na okukondjitha iikala yokwiihola mwene. Pashiholelwa, okwa li a geye sho omuyapostoli Jakob naJohannes ya li ya pangele ompangela ya pewe oondondo puJesus mUukwaniilwa waKalunga. Otashi vulika Petrus a li ta dhiladhila kutya oshipundi shimwe shomwaambyoka oshi na okukala she molwaashoka Jesus okwa tile nale kutya Petrus ota ka kala e na oshilonga shi ikalekelwa. (Mat. 16:18, 19) Ihe kashi na nduno mbudhi kutya oshike, Jesus okwa li a londodha Jakob naJohannes, nosho wo Petrus naayapostoli ooyakwawo, kaaya kambadhale ‘okupangela aamwahe pankondo dhawo.’ — Mark. 10:35-45.

14 Nokuli nokonima sho Jesus a li a kambadhala a pukulule Petrus, Petrus okwa li a tsikile okukondja nankene a li i itala ko ye mwene. Sho Jesus a li a lombwele aayapostoli kutya oya li taye ke mu fadhuka po okathimbo, Petrus okwa dhini yakwawo nokwa li i itula komeho mokupopya kutya oye owala a li ta ka kala omudhiginini. (Mat. 26:31-33) Kali e na okukala i inekela muye mwene unene, molwaashoka uusiku mboka ka li u ulike ombepo yeiyambo. Omolwoonkambadhala ndhoka a li a ningi opo i igamene, Petrus okwa li i ipatana Jesus lwiikando itatu. — Mat. 26:69-75.

15. Omolwashike oshiholelwa shaPetrus tashi tsu omukumo?

15 Kutya nduno Petrus okwa li ta kondjo nuunkundi  wuni nosho wo omapuko ngoka a li a ningi, onkalamwenyo ye oyi li oshiholelwa tashi tsu omukumo. Omolwoonkambadhala ndhoka a li a ningi paumwene nokekwatho lyombepo ondjapuki, Petrus okwa li a vulu okusinda egamo lye lya puka nokwa li u ulike ombepo yeipangelo mwene nosho wo ohole yeiyambo. (Gal. 5:22, 23) Okwa li i idhidhimikile omashongo ngoka taga vulu okutalika ko omadhigu noonkondo ge vule ngoka a li a punduka kugo. Okwa li u ulike ombepo yeifupipiko momukalo moka a li i inyenge sho a gandwa montaneho komuyapostoli Paulus. (Gal. 2:11-14) Konima sho a gandwa, Petrus ka li e mu kwatele onkone, ando u uvite kutya ondondo ye oya tulwa pevi kuPaulus. Petrus okwa li a tsikile nokukala e hole Paulus. (2 Pet. 3:15) Oshiholelwa shaPetrus otashi vulu oku tu kwathela tu kokeke ombepo yeiyambo.

Petrus okwa li i inyenge ngiini sho a pukululwa? Mbela natse andola otwi inyenge ngaa momukalo gwa faathana? (Tala okatendo 15)

16. Ongiini tatu vulu okuulika ombepo yeiyambo uuna tu li moonkalo oondhigu?

16 Dhiladhila owala kunkene ho katuka uuna wu li moonkalo oondhigu. Sho Petrus naayapostoli ya li mondholongo noya li ya dhengwa molwaashoka ya li taya uvitha, oya li ya nyanyukwa “sho Kalunga e ya tala ya gwana okuhepekelwa edhina lyaJesus.” (Iil. 5:41) Nangoye oto vulu okutala ko omahepeko ge li ompito yokuholela Petrus nokulandula ondjila ndjoka Jesus a li e yi ende mokuulika ombepo yeiyambo. (Lesha 1 Petrus 2:20, 21.) Etaloko ndika otali ke ku kwathela nokuli ngele wa pewa kaakuluntugongalo uutekuvuliko mboka wa pumbwa. Landula oshiholelwa shaPetrus pehala lyokugeya. — Omuuv. 7:9.

17, 18. (a) Oshike tu na okwiipula kombinga yomalalakano gopambepo? (b) Oshike tatu vulu okuninga ngele otwa ndhindhilike iikala yokwiihola mwene momitima dhetu?

17 Oto vulu wo okumona uuwanawa moshiholelwa shaPetrus uuna tashi ya pomalalakano gopambepo. Oto vulu okwiitulila po omalakano gopambepo momukalo ngoka tagu ulike kutya owu na ombepo yeiyambo. Ihe kala wa kotoka opo omalalakano ngaka gopambepo kaage ku ningithe wu kale to lalakanene ondondo. Onkee ano ipula kutya, ‘mbela ehalo lyandje lyokutsikila okulonga miilonga yaJehova otali ka yiwa moshipala kokukala nda hala ndi kale ndi shiwike nenge ndi na oonkondopangelo, ngaashi sha li monkalo yaJakob naJohannes mboka ya li ya pula ya ningilwe sha kuJesus?’

18 Ngele owa ndhindhilike iikala yontumba yokwiihola mwene momutima gwoye, pula Jehova e ku kwathele wu pukulule omadhiladhilo goye nosho omaiyuvo goye, opo nduno longa nuudhiginini nokuukitha eitulomo kesimano lye pehala lyokuukitha kulyoye mwene. (Eps. 86:11) Oto vulu wo okwiitulila po omalalakano ngoka itaage ke ku ningitha wu kale wa talika kukehe gumwe. Pashiholelwa, oto vulu okukokeka pakuudha uukwatya wumwe wopambepo mboka ho mono oshidhigu okukala wu na. Nenge ngele oho ilongekidhile nawa iitopolwa yokugongala ihe iho kala naanaa wu na ehalo lyokwoopaleka Oshinyanga shUukwaniilwa, oto vulu okwiitulila po elalakano lyokutula miilonga omayele ngaka ge li mAaroma 12:16.— Lesha.

19. Oshike tatu vulu okuninga opo kaatu teke omukumo kwaashoka hatu mono uuna twi italele moshitalelo shoka shi li Oohapu dhaKalunga?

19 Uuna tatu ikonakona nawa tatu longitha Oohapu dhaKalunga dhi li oshitalelo e tatu mono omapuko ngoka tu na, nokuli niikala yokwiihola mwene, otashi vulika tu teke omukumo. Ngele shoka osho wa mono, dhiladhila komulumentu omunelago gwomethaneko lyaJakob. Jakob ka li a popi kutya omulumentu ngoka okwa li a pukulula nziya epuko ndyoka a mono nenge nokuli kutya okwa li ta vulu okupukulula okayala kehe e na; pehala lyaashono Jakob okwa ti kutya omuntu ‘ina dhimbwa ompango ya gwanenena.’ (Jak. 1:25) Okwa dhimbulukwa shoka a mono moshitalelo nokwa kala ta longo nuudhiginini opo a hwepopale. Eeno, kala wu na etaloko ewanawa kombinga yoye mwene netaloko li li pandjele lyokwaagwanenena kwoye. (Lesha Omuuvithi 7:20.) Tsikila nokwiitalela mompango ya gwanenena nokulonga nuudhiginini kuukanithe ombepo yoye yeiyambo. Jehova oku na ehalo lyoku ku kwathela ngaashi a li a kwathele aamwaho oyendji, mboka nonando inaya gwanenena, taya vulu okukala ya hokiwa kuKalunga nokwe ya yambeka.