Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo (yokukonakonwa)  |  Juni 2013

Oto dhimbulukwa?

Oto dhimbulukwa?

Owa lesha ngaa nawa iifo yOshungolangelo mbyoka opo ya zi ko? Tala ngele oto vulu okuyamukula omapulo taga landula:

Okulongitha Ombiimbeli yi li oshiketi oshike, nAakriste oye na oku shi tala ko ngiini?

Okulongitha Ombiimbeli yi li oshiketi ohashi ningwa ngele omuntu ta pandja pembo kehe, e ta lesha ovelise kehe ndjoka a mono tango, e na eitaalo kutya oohapu ndhoka otadhi ke mu kwathela. Aakriste yashili ihaya anekele. Pehala lyaashono, ohaya konakona Ombiimbeli ya mone ontseyo yashili nosho wo ewiliko lyaKalunga. — 12/15, epandja 3.

“Uuyuni” mboka tawu ka hula po owuni?

“Uuyuni” mboka tawu ka hula po owo aantu ayehe yomuuyuni mboka ihaayi iyutha kehalo lyaKalunga. (1 Joh. 2:17) Evi nosho wo aantu aadhiginini otaya ka hupa. — 1/1, epandja 5-7.

Ongiini Abel ta popi natango natse nonando okwa sa? (Heb. 11:4)

Ote shi ningi okupitila meitaalo. Otatu vulu okwiilonga keitaalo lye noku li holela. Oshiholelwa she osha dhenga mbanda natango. — 1/1, epandja 12

Omiinima yini tu na okukala twa kotoka opo kaatu falwe kokule naJehova?

Iinima yimwe oyo: iilonga yetu nenge omaithano, omainyanyudho nosho wo omathimbo gokuthuwa po ngoka hatu hogolola, eendathano noshilyo shaandjeni shoka sha kondwa, uuteknologi, okwiipulapula nuukolele wetu, etaloko lya puka kombinga yiimaliwa, nosho wo okulenga unene omadhiladhilo getu nenge oondondo dhetu. — 1/15, epandja 12-21.

Otatu ilongo shike koshiholelwa shaMoses shokukala omwiifupipiki?

Pehala lyokweetha ondondo ndjoka a li e na yi mu ningithe a kale e na uuntsa, Moses okwa li i inekele muJehova, ihe hamu ye mwene. Inatu hala nando ondondo yetu nenge uunkulungu wopaunshitwe mboka tu na wu tu ningithe tu kale tu na uuntsa, ihe, otwa hala okukala twi inekela muJehova. (Omayel. 3:5, 6) — 3/1, epandja 5.

Mboka taya ka yumudhwa otaya ka kala peni?

Aantu 144 000 yomwaalu gwa ngambekwa, otaya ka kala megulu. Ihe oyendji mboka taya ka yumudhwa, otaya ka kala ye na etegameno lyokukala nomwenyo sigo aluhe kombanda yevi. — 5/1, epandja 6.

Osha hala okutya shike sho taku ti wa kutya Aaisraeli kaya li ya “pita etanda komwenyo”? (Jer. 9:26)

Oya li ya tangalala noya kukutika omitima dhawo noya li ye na okweekelahi kehe shimwe shono tashi ningitha omitima dhawo dhi kale ngaaka. Shoka osha li sha kwatela mo omadhiladhilo gawo, omaiyuvo gawo nenge omainyengotompelo gawo ngoka ge li ompinge naangoka gaKalunga. (Jer. 5:23, 24) — 3/15, epandja 9-10.

Noowa nomukulukadhi gwe oya li ya putudha ngiini oyanamati muuyuni wa kolokosha?

Noowa nomukulukadhi gwe oya li ye na okugamena oyanamati kaaya nwethwe mo kuuwinayi mboka wa li we ya kundukidha. Nonando kaya li taya vulu okugamena oyana kukehe shimwe shoka sha li tashi ningwa kaalefule, oya li haya vulu oku ya longa oshili kombinga yaJehova Kalunga, ngoka e tonde uuwinayi awuhe. Oyanamati yawo oya koko e taya ningi aalumentu ye na omikalo omiwanawa. — 5/1, epandja 11.

Oshitopolwa shokombanda yevi shehangano lyaJehova osha kwatela mo shike?

Osha kwatela mo Olutuwiliki, ookomitiye dhiitayimbelewa, aatonateli aayendi, olutu lwaakuluntugongalo kehe, omagongalo, nOnzapo kehe. — 4/15, epandja 29

Omeityo lini ‘ondundu yomiolivi’ ya pambuka pokati?

‘Ondundu yomiolivi,’ ndjoka tayi thaneke uunamapangelo waJehova weshito alihe, oya pambuka pokati meityo ndyoka kutya Jehova okwa dhika po epangelo etiyali. Epangelo ndika etiyali olyo Uukwaniilwa wopaMesiasa mboka wu li miikaha yaJesus Kristus. (Sak. 14:4) — 2/15, epandja 19.

Mbela Aaisraeli oya li haya dhipaga aalongi yomiyonena moku ya endjeleleka kiiti?

Aawe. Iigwana yilwe yopethimbo lyonale oya li hayi shi ningi ihe hAayisraeli. Pethimbo lyOmanyolo gOshihebeli, aalongi yomuyonena oya li haya dhipagwa tango nomamanya. (Lev. 20:2, 27) Opo nduno omudhimba ogwa li hagu vulu gu endjelelekwe komuti shi li elondodho kuyalwe. — 5/15, epandja 13.

Omolwashike ombili yuuyuni itaayi vulu okumonika?

Nonando aantu oya tompola oshindji, kaye na esiku ye ku uthe oonkatu dhawo yene. (Jer. 10:23) Satana oye ta pangele uuyuni, onkee ano aantu kaye na esiku ye ke ete ombili. (1 Joh. 5:19) — 7/1, epandja 16.