Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo (yokukonakonwa)  |  Apilili 2013

Owe shi tseya ngaa?

Owe shi tseya ngaa?

Mbela otempeli yaJerusalem oya ka tungululwa we ngaa konima yomumvo 70 E.N.?

JESUS okwa li a popi kutya itapu ka thigwa emanya lyotempeli yaJehova lya tentekwa kekwawo, nehunganeko ndyoka olya li lya gwanithwa sho etangakwiita lyaRoma tali wilikwa kuTitus lya hanagula po Jerusalem mo 70 E.N. (Mat. 24:2) Konima yethimbo, omupangeli Julian okwa li a ningi ompangela yokutungulula otempeli ndjoka.

Julian okwa kala hi ithanwa omupangeli gwahugunina gwaRoma omupagani. Omwanagona nguka gwaConstantine Omunene, okwa li a mona elongo ndyoka taku popiwa kutya olyopaKriste. Ihe, konima sho a li a tulwa koshipundi a ninge omupangeli momumvo 361 E.N., okwa li e ekelehi elongo ndyoka a manguluka nosho wo Uukwakriste mboka wa yonuka wopethimbo lye nokwa li a hogolola omalongo goshipagani. Omambo gondjokonona ohage mu popi e li “Omushunimonima.”

Julian okwa li e tonde noonkondo Uukwakriste. Etompelo limwe otashi vulika li kale nduno kutya sho a li e na omimvo 6, okwa li a mono aakalelipo yUukriste taya dhipaga he nosho wo aakwanezimo lye aalumentu. Aanandjokonona yongeleka oya ti kutya Julian okwa li a kumagidha Aajuda ya tungulule otempeli, e na einekelo okuulika kutya Jesus okwa li omupolofeti omuniifundja. *

Itashi limbilike sho Julian a li a ningi ompangela yokutungulula otempeli. Aanandjokonona otaya patanekathana kutya ngele Julian okwa li a tameka okutungulula nongele okwa li e shi ningi, oshike sha li sha ningitha iilonga mbyoka kaayi tsikile. Ihe opu na oshinima shimwe oshindhindhilikwedhi. Meni lyoomvula mbali konima sho Julian a langekwa po e li omupangeli okwa li a dhipagwa, nompangela ye oya si pamwe naye.

Nkene tashi vulika otempeli ya li hayi monika pethimbo lyaJesus, ya thanekwa pehala mpoka ya li lela

^ okat. 5 Jesus ka li nando a popi kutya otempeli kaya li tayi ka tungululwa ihe okwa li a popi kutya oya li tayi ka hanagulwa po naashoka osha li sha ningwa mo 70 E.N.