Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo yokukonakonwa  |  Kotoba 2017

Owe shi tseya ngaa?

Owe shi tseya ngaa?

Aajuda oya li haya ningi shike, shoka sha ningitha Jesus a nyane okugana?

OMPANGO YAMOSES oya popya kutya uunake omuntu e na okugana. Ihe Aajuda yopethimbo lyaJesus oya li haya gana, opo ya koleke kehe shimwe shoka taya popi. Nonando oya li haye shi ningi nelalakano lyokukoleka shoka taya popi, Jesus okwe ya pe uusama iikando iyali, omolwoshinima shoka. Onkee ano, okwe ya lombwele a ti: “Oohapu dheni nadhi tye: ‘Eeno, eeno,’ nenge ‘aawe, aawe.’” — Mat. 5:33-37; 23:16-22.

Embwiitya Theological Dictionary of the New Testament, otali ti: “Uumbangi kutya Aajuda oya li ye na egamo lyokukoleka ohapu kehe mokugana,” owu iwetikile mwaashoka sha popiwa membo lyedhina Talmud, ndyoka lya popya ombahu nokawawa kutya egano lini tali dhengele nolini itaali dhengele.

Jesus haye awike a li a pe Aajuda uusama, omolwokulongitha nayi egano. Pashiholelwa, omunandjokonona Omujuda, gwedhina Flavius Josephus, okwa popi shi na ko nasha noshimpaga shimwe shAajuda a ti: ‘Iilyo yasho oyi itaala kutya okugana okwa faathana owala nokufundja, molwaashoka ngele omuntu oha gana, opo yamwe ye mu itaale, nena omuntu ngono ombudhi.’ Embo lyAajuda hali ithanwa Wisdom of Sirach nalyo olya ti: “Omuntu ngoka ha gana moshinima kehe, omukolokoshi ye mwenemwene.” Ihe Jesus okwa li wo a pe uusama mboka ya tala ko egano li li oshinima shanathangwa. Ngele ohatu popi aluhe oshili, nena inatu pumbwa okugana, opo aantu yi itaale shoka twa ti.