Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo (yokukonakonwa)  |  Desemba 2017

Mbela Jakob okwa li a ningi hekulululwa yaMesiasa, molwaashoka owala a landa po uuthemba waEsau wuusheeli?

Omapulo ga za kaaleshi

Omapulo ga za kaaleshi

MuIsraeli shonale, mbela mezimo moka mwa li tamu ka za Mesiasa olya li lyi ikolelela kuuthemba wuusheeli?

Omathimbo nomathimbo otashi vulika twa tya ko sha koshinima shoka. Shoka otashi monika sha fa shi li metsokumwe naashoka sha nyolwa mAahebeli 12:16. Ovelise ndjoka otayi ti kutya Esau “ka li a pandula iinima iiyapuki” NW, nonokutya okwa li a “landitha po uuthemba we okukala omukuluntu kumukwawo [Jakob] omolwokulya kumwe akuke.” Onkee ano, otatu vulu kutya sho Jakob a pewa ‘uuthemba wuusheeli,’ oshe mu ningitha wo a kale hekulululwa yezimo moka mwa ka za Mesiasa. — Mat. 1:2, 16; Luk. 3:23, 34.

Omahokololo gOmbiimbeli, otagu ulike kutya omulumentu ka li a pumbwa okukala osheeli, opo ando a kale hekulululwa yaMesiasa. Tala kuushili wumwe tawu landula, mboka tawu shi koleke:

Ngele tashi ya koyanamati yaJakob (Israel), omwanamati gwe gwosheeli okwa li Reuben, ngoka a valwa kuLea. Konima, Jakob nomukulukadhi gwe ngoka a li e hole, Rakel, oya vala okanona kawo kotango, Josef. Sho Reuben a kala e na ondjo omolweihumbato lye ewinayi, uuthemba we wuusheeli owa pewa Josef. (Gen. 29:31-35; 30:22-25; 35:22-26; 49:22-26; 1 Ondjal. 5:1, 2) Nonando ongawo, Mesiasa ina za moluvalo lwaReuben nenge lwaJosef. Ihe  okwa li a zi moluvalo lwaJuda, omwanamati gwaLea omutine. — Gen. 49:10.

MuLukas 3:32 omu na elandulathano lyezimo moka mwa ka za Mesiasa. Aalumentu mboka ya tumbulwa mo otaya monika ya fa ya li oosheeli. Boas oye he yaObed, na Obed oye he yaIsai. — Rut 4:17, 20-22; 1 Ondjal. 2:10-12.

Isai okwa li e na oyanamati yahetatu, na David ka li osheeli, ihe okwa li onkelo. Onkene Mesiasa okwa ka za mezimo lyaDavid. (1 Sam. 16:10, 11; 17:12; Mat. 1:5, 6) Okuza mpono David okwa ka vala Salomo, ihe haye a li osheeli. — 2 Sam. 3:2-5.

Shika itashi ti kutya uusheeli kawa li wa simana. Omulumentu ngoka a valwa osheeli, okwa li ha pewa ondondo ya simana nolundji oye ha landula ko mokukala omutse gwegumbo. Oye wo a li ha thigulula lwaali eliko lyahe. — Gen. 43:33; Deut. 21:17; Jos. 17:1.

Uuthemba wuusheeli owa li hawu vulu okupewa gulwe. Pashiholelwa, Abraham okwa li a gandja po uuthemba waIsmael wuusheeli kuIsak. Ngaashi sha popiwa metetekelo, uuthemba waReuben wuusheeli owa li wo wa pewa po Josef.

Ngashingeyi natu galukile kAahebeli 12:16, ndjoka tayi ti: “Kotokeni, kwaa kale ngoka ta ningi omuholume nomulunde ngaashi Esau, ngoka a landitha po uuthemba we okukala omukuluntu kumukwawo omolwokulya kumwe akuke.” Oshitsa shini sha li tashi tsuwa omuthindo movelise moka?

Omuyapostoli Paulus ka li ta popi kombinga yoluvalo moka mwa li tamu ka za Mesiasa. Pehala lyaashono, okwa li ta ladhipike Aakriste ye ‘ende moondjila dhu ukilila.’ Kungawo, kaya li taya ka ‘pilamena esilohenda lyaKalunga,’ shoka sha li tashi vulu okuningwa, ngele oya kutha ombinga moluhondelo. (Heb. 12:12-16) Ando oye shi ningile, ando oya kala ngaashi Esau. Esau “ka li a pandula iinima iiyapuki” NW, nokwa li e yi gandja po, omolwiinima kaayi na oshilonga.

Esau okwa li ko pethimbo lyonale, nopoompito dhimwe otashi vulika nokuli a li e na uuthembahenda wokugandja omayambo. (Gen. 8:20, 21; 12:7, 8; Job 1:4, 5) Ihe molwaashono ka li a lenga uusheeli we, okwa li a gandja po uuthembahenda awuhe mboka, omolwokayaha koshigali. Otashi vulika a li a hala okuyanda okumona iihuna, hoka kwa li kwa hunganekwa kutya otaku ka adha oluvalo lwaAbraham. (Gen. 15:13) Esau okwa li wo u ulike kutya okwa lenga iinima mbyoka kaayi na oshilonga noka li a pandula iinima iiyapuki, sho a hokana aakiintu yaali aapagani, mboka ya li ya lulila aavali ye. (Gen. 26:34, 35) Shoka otashi ulike kutya okwa li a yooloka ko kuJakob, ngoka a li a tokola okuhokana omulongeli gwaKalunga kashili. — Gen. 28:6, 7; 29:10-12, 18.

Mbela otu na okuthika pehulithodhiladhilo lini kombinga yezimo moka mwa za Jesus, ano Mesiasa? Odhoshili kutya elandulathano lyezimo moka mwa za Mesiasa olya kwatela mo omulumentu osheeli, ihe hapoompito adhihe. Aajuda oya li ye shi dhimbulula mo e taye shi taamba ko. Oye shi zimine kutya Kristus okwa za moluvalo lwaDavid, omwanamati gwaIsai gwonkelo. — Mat. 22:42.