Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Oshungolangelo  |  No. 2 2016

Ombiimbeli otayi ti ngiini?

Ombiimbeli otayi ti ngiini?

Ondiyapoli oyo lye?

MBELA OTO TI Ondiyapoli oyo . . .

  • Omuntu gwopambepo?

  • Ombepo ombwinayi yi li momuntu?

  • Nenge oshinima owala shi li momadhiladhilo gaantu?

SHOKA OMBIIMBELI TAYI TI

Ondiyapoli oya li ya popi naJesus, e ta yi mu ‘makele.’ (Mateus 4:1-4) Onkee ano, Ondiyapoli kayi shi owala oshinima shoka aantu haya dhiladhila, nokayi shi endhindhiliko lyokulonga uuwinayi. Oyi li omuntu gwopambepo omukolokoshi.

OSHIKE ISHEWE TATU ILONGO MOMBIIMBELI?

  • Petameko Ondiyapoli oya li omuyengeli omuyuuki, ihe “ina dhiginina oshili.” (Johannes 8:44, NW) Okwa fundju nokwa tsu ondumbo naKalunga.

  • Aayengeli yalwe oya ningi aanashipotha pamwe naSatana.—Ehololo 12:9.

  • Ondiyapoli oya posipaleka aantu oyendji yi itaale kutya kayi ko.—2 Aakorinto 4:4.

Mbela Ondiyapoli ohayi vulu okupangela aantu?

AANTU YAMWE OHAYA TI KUTYA Ondiyapoli itayi vulu okunwetha mo omuntu, omanga yalwe haya kala ya tila okunwethwa mo koompwidhuli. Mbela ngoye oto ti ngiini?

SHOKA OMBIIMBELI TAYI TI

“Uuyuni auhe ou li mepangelo lyomuhindadhi.” (1 Johannes 5:19) Ondiyapoli ohayi vulu okumwetha mo aantu noonkondo, ihe ihayi vulu okupangela omuntu kehe.

OSHIKE ISHEWE TATU ILONGO MOMBIIMBELI?

  • Ondiyapoli ohayi longitha iineya yi tsikile okunwetha mo aantu.—2 Aakorinto 11:14.

  • Oombepo dhoompwidhuli ohadhi vulu okupangela aantu.—Mateus 12:22.

  • Kekwatho lyaKalunga, oto vulu ‘okukondjitha Satana’ e to pondola.—Jakob 4:7.