थ्व त्वताः मेगु हलंज्वलंलय् वनेगु

थ्व त्वताः मेगु मेनुलय् वनेगु

यहोवाया साक्षी

नेवारी

न्ह्याबलें दुःख सीया च्वनेमाली ला?

न्ह्याबलें दुःख सीया च्वनेमाली ला?

छिगु विचारय्‌...

  • माली।

  • माली मखु।

  • धाय्‌ मफु।

 द्यःयागु वचनं छु धाइ?

“[द्यःनं] इमिगु मिखाय्‌ च्वंगु ख्वबि सुच्चुक हुयादी।...इपिं सी माली मखुत, दुःखं च्वने म्वाःल, ख्वय्‌ म्वाःल, अले छुं नं दुःख जुइ मखुत।”प्रकाश २१:३, ४, न्हूगु नियम।

द्यःयागु वचनं झीत जुइगु फाइदा:-

झीगु समस्यायागु कारण द्यः मखु धइगु विश्वास।—याकूब १:१३.

झीगु दुःख द्यःनं सिउ धइगु खँनं दइगु सान्त्वना।—जकरिया २:८.

फुक्कं दुःखकष्ट छन्हु अन्त जुइ धइगु आशा।भजन ३७:९-११.

 द्यःयागु वचनय्‌ विश्वास यायेगु छु आधार दु?

निगु आधार विचाः यानादिसँ:-

  • द्यःयात दुःखकष्ट अले अन्याय तसकं मयः। न्हापा-न्हापायागु इलय्‌ मभिंपिं मनूतय्‌सं थःगु प्रजापिन्त बांमलाक्क सास्ती बीउ बलय्‌ यहोवा द्यःयात गथे ताल, विचाः यानादिसँ। थ प्रजापिं अन्याय-अत्याचारय्‌ लाउ बलय्‌ वय्‌कःनं तसकं नुगः मछिंकादिल धकाः बाइबललय्‌ धयातःगु दु।—न्यायकर्त्ता २:१८.

    कर्पिन्त सयंकेत स्वइपिं मनूत द्यःयात मिखां स्वय्‌ मयः। गथे:- सोझापिं मनूतय्‌गु हि बाः वंकिपिं दुष्टत द्यःयात तसकं मयः।—हितोपदेश ६:१६, १७.

  • द्यःनं झी हरेक मनूतय्‌गु हेरविचार यानादी। यहोवां झीगु फुक्क दुःख वय्‌कःया न्ह्यःने ती धकाः हःपाः बियादीगु दु। ‘छाय्‌धाःसा वय्‌कःनं झीगु सुसाःकुसाः यानादी।’—१ पत्रुस ५:७.

यहोवानं थःगु राज्यलय्‌ हरेक मनूतय्‌गु दुःखकष्ट याकनं हे चीकादीतिनि। (मत्ती ६:९, १०) व राज्य मवतलय्‌, नुगलय्‌ छुं हाकु मतया यहोवा द्यःयात मालिपिन्त वय्‌कःनं सान्त्वना बियादी।—प्रेरित १७:२७; २ कोरिन्थी १:३, ४.

 विचाः यानादिसँ

द्यःनं छाय्‌ दुःखकष्ट चीका मदीगु?

थ्व न्ह्यसःया लिसः रोमी ५:१२२ पत्रुस ३:९ य्‌ ब्वनादिसँ।