थ्व त्वताः मेगु हलंज्वलंलय् वनेगु

थ्व त्वताः मेगु मेनुलय् वनेगु

यहोवाया साक्षी

नेवारी

झीगु भविष्य गथे च्वं?

झीगु भविष्य गथे च्वं?

झीगु संसार . . .

  • थथे हे जुयाच्वनी।

  • झनय्‌ स्यनावनी।

  • भिंनावनी।

 द्यःयागु वचनं छु धाइ?

“[द्यःनं] इमिगु मिखाय्‌ च्वंगु ख्वबि सुच्चुक हुयादी। . . . इपिं सी माली मखुत, दुःखं च्वने म्वाःल, ख्वय्‌ म्वाःल, अले छुं नं दुःख जुइ मखुत। पुलांगु ज्याखँ फुक्कं मदया वने धुंकल।” — प्रकाश २१:३, ४, न्हूगु नियम।

द्यःयागु वचनं झीत जुइगु फाइदा:-

उद्देश्यं जागु अले सन्तोष दइगु ज्या।—यशैया ६५:२१-२३.

छुं छगू ल्वय्‌ अले दुःख मदइगु जीवन।—यशैया २५:८; ३३:२४.

परिवार व पासापिंनाप आनन्दित जुया न्ह्याबलें म्वानाच्वने दइगु जीवन।—भजन ३७:११, २९.

 द्यःयागु वचनय्‌ विश्वास यायेगु छु आधार दु?

निगु आधार विचाः यानादिसँ:-

  • थम्हेस्यां पाःफयादीगु खँ पूवंकेगु शक्ति द्यःयाके दु। बाइबललय्‌ यहोवा द्यःयात “दक्वसिबे तःधंम्ह व शक्ति दुम्ह” धकाः धयातःगु दु। (प्रकाश १५:३) अय्‌जूगुलिं द्यःनं थ्व संसार भिंकादीफु धइगु खँलय्‌ शङ्का यायेगु छुं थाय्‌ मदु। बाइबललय्‌ थथे नं धयातःगु दु, “परमेश्वरं याय्‌ मफुगु छुं नं मदु।”—मत्ती १९:२६.

  • थम्हेस्यां पाःफयादीगु खँ पूवंकेगु इछ्‌या द्यःयाके दु। गथे:- यहोवा द्यःयाके सीधुंकुपिं मनूतय्‌त हानं म्वाकेगु इछ्‌या दु।—अय्यूब १४:१४, १५.

द्यःया काय्‌ येशूं ल्वय्‌ दुपिन्त लंकादिल धकाः नं बाइबललय्‌ धयातःगु दु। येशूं छाय्‌ मनूतय्‌गु ल्वय्‌ लंकादिल? इछ्‌या दुगुलिं। (मर्कूस १:४०, ४१) येशूं थः बाःनं थें आपतय्‌ लापिन्त ग्वाहालि यायेगु इछ्‌या क्यनादिल।—यूहन्ना १४:९.

अथेजूगुलिं यहोवा अले येशूं झीगु जीवन सुखी दयेकेत ग्वाहालि बियादी धकाः झी पक्का जुइफु।—भजन ७२:१२-१४; १४५:१६; २ पत्रुस ३:९.

 विचाः यानादिसँ

द्यःनं झीगु संसार गुकथं भिंकादी?

थ्व न्ह्यसःया लिसः मत्ती ६:९, १०दानियल २:४४ य्‌ ब्वनादिसँ।